कर्नाटकात पुन्हा 'कमळ' फुलणार; येडियुरप्पा होणार नवे मुख्यमंत्री

कर्नाटकात पुन्हा 'कमळ' फुलणार; येडियुरप्पा होणार नवे मुख्यमंत्री

बंगळुरु : कर्नाटकात विश्वासदर्शक ठराव आज (मंगळवार) घेण्यात आला. यामध्ये मुख्यमंत्री एचडी कुमारस्वामी अपयशी ठरले आहेत. त्यामुळे आता त्यांच्या जागी माजी मुख्यमंत्री आणि भाजपचे ज्येष्ठ नेते बी. एस. येडियुरप्पा यांची निवड केली जाणार आहे.

कर्नाटक विधानसभेत आज सायंकाळी साडेसातच्या सुमारास विश्वासदर्शक ठराव घेण्यात आला. या ठरावादरम्यान आमदारांची प्रत्यक्ष मोजणी घेण्यात आली होती. त्यानंतर मतदान घेण्यात आले. या मतदानादरम्यान 99 मतं सरकारच्या बाजूने तर 105 मतं सरकारविरोधात गेल्याने विश्वासदर्शक ठराव जिंकण्यात कुमारस्वामी यांना अपयश आले. त्यामुळे आता ते आपल्या मुख्यमंत्रिपदाचा राजीनामा लवकरच देणार असून, आता त्यांच्याजागी येडियुरप्पा यांची निवड केली जाणार आहे.

दरम्यान, कर्नाटकात 'ऑपरेशन लोटस' यशस्वी करण्यासाठी भाजपकडून गेल्या काही महिन्यांपासून प्रयत्न सुरु करण्यात आले होते. त्यानंतर आज विश्वासदर्शक ठरावात अपयश आल्याने सरकार अखेर कोसळले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com