पालममधील सहा गुन्हयाची उकल; 9 आरोपींना अटक

परभणी : पालम पोलिस ठाण्यातंर्गत दाखल असलेल्या सहा गुन्ह्याची उकल करण्यात स्थानिक गुन्हे शाखेला यश आले आहे. यात सहा मोटार सायकल व इतर साहित्य पोलिसांनी हस्तगत केले असून नऊ आरोपींना अटक करण्यात आले असल्याची माहिती स्थानिक गुन्हे शाखेचे पोलिस निरीक्षक प्रवीण मोरे यांनी शनिवारी (ता. 22) दिली.

पालम शहरासह तालुक्यात वाहने चोरी व इतर चोरीच्या घटना घडल्या होत्या. याचा तपास स्थानिक गुन्हे शाखेकडे होता. हे सर्व गुन्हे 2017 व 2018 सालातील होते. मोटार सायकलच्या चोरी प्रकरणात आरोपी विनायक शिवाजी हाके (रा. हाके गल्ली, पालम), बालाजी पांडूरंग सुरनर (रा.नवामोंढा, पालम), सद्दाम शेख बाबु (रा. शिवाजी चौक, लोहा जि. नांदेड), माधव निवृत्ती हत्तीअंबिरे (रा. बौध्दवाडा, पालम) यांना ताब्यात घेतले त्यांच्याकडून एक स्कुटी, एक डिलक्स मोटार सायकल, एक पल्सर व इतर साहित्य जप्त करण्यात आले.

दुसऱ्या चोरीच्या प्रकरणात पालम शहरातील भांड्याचा नामांकित व्यापारी शेख गौस हा दुकानाच्या आड चोरीची साहित्य विकत घेत असल्याचे तपासात उघड झाले. आरोपी शेख गौस (रा. पालम), सालेमिया मोहम्मद चाऊस (रा. टेक गल्ली, पालम), शाहरुख समिर पठाण (रा. पठाण गल्ली, पालम), रईस पठाण समद पठाण (रा. पालम) व अफरोज पठाण खलंदर पठाण (रा. पालम) यांच्याकडून तांब्याच्या पट्ट्या व रॉड हस्तगत करण्यात आला. या आरोपींकडून 1 लाख 56 हजार 265 रुपयांचा माल हस्तगत केला आहे.