बस पिकअपच्या धडकेत एक ठार, 15 प्रवासी किरकोळ जखमी  

निल्लोड : औरंगाबाद-जळगाव महामार्गावर बस व पिकअपची समोरासमोर झालेल्या धडकेत एक जण ठार, दोन गंभीर, तर सुमारे 15 प्रवासी किरकोळ जखमी झाले. ही घटना निल्लोड फाट्याजवळ (ता. सिल्लोड) बुधवारी (ता. 20) दुपारी तीनच्या सुमारास घडली.

औरंगाबादहून सिल्लोडकडे जाणाऱ्या पुणे-रावेर बस व सिल्लोडकडून औरंगाबादकडे जाणाऱ्या पिकअप व्हॅन यांच्यात समोरासमोर धडक झाली. यात पिकअपमधील एक जण ठार, तर दोन जण गंभीर जखमी झाले. या धडकेने बसमधील प्रवाशांना मार लागल्याने सुमारे पंधरा प्रवासी किरकोळ जखमी झाले आहेत. घटनेनंतर नागरिकांनी जखमीला घेऊन जाण्यासाठी 108 वर कॉल करून सुद्धा सुमारे पाऊण तासानंतर रुग्णवाहिका आल्यानंतर जखमींना रुग्णालयात नेण्यात आले. मृत व जखमींची नावे अद्याप कळू शकली नाही.