टेम्पोच्या धडकेत पादचारी तरूणाचा मृत्यू

पुणे : टेम्पोच्या धडकेत पादचारी तरूणाचा मृत्यू झाला. ही घटना सोमवारी दुपारी अडीच वाजण्याच्या सुमारास सोलापूर रस्त्यावर जनसेवा बॅंकेसमोर घडली. आनंद दशरथ फडतरे (वय ३०, रा. काळेपडळ, हडपसर) असे अपघातात मृत्यूमुखी पडलेल्या तरूणाचे नाव आहे. याप्रकरणी टेम्पोचालक आत्माराम दुबे (वय ६२, रा. अंधेरी, मुंबई) याला पोलिसांनी ताब्यात घेतले आहे. 

हडपसर पोलिसांनी दिलेल्या माहितीनुसार, आनंद हा माळवाडीच्या दिशेने पायी जात होता. यावेळी टेम्पोंची त्याला धडक बसली व तो खाली पडल्याने टेंम्पोचे चाक त्याच्या अंगावरून गेले. नागरिकांनी व पोलिसांनी त्याला उपचारासाठी रूग्णालयात दाखल केले, मात्र उपचारापूर्वीच त्याचा मृत्यू झाल्याचे डॅाक्टरांनी घोषीत केले.