गोंगाटामुळे अभ्यास नाही तर...

गोंगाटामुळे अभ्यास नाही तर...

पुणे - मूळचा नाशिकचा सागर कापडणीस स्पर्धा परीक्षेची तयारी करतोय; पण गणेशोत्सवातील गोंगाट हा सागरसह स्पर्धा परीक्षेची तयारी करणाऱ्यांसाठी डोकेदुखीच. या उत्सवात अभ्यासावर परिणाम होतो आणि वेळ वाया जातो. मग या विद्यार्थ्यांपुढे प्रश्‍न उभा ठाकतो तो या काळात काय करायचे? या प्रश्‍नाचे उत्तर सागरने शोधले, ज्यामुळे वेळेचा उपयोग झाला आणि त्याला चार पैसेही मिळाले. 

काय केले असेल बरे सागरने हे जाणून घेतले तेव्हा समजले की, सागरच्या घरची आर्थिक परिस्थिती फार काही वाईट नाही, तरीही त्याने गर्दीत जाऊन पाण्याच्या बाटल्या विकल्या. 

सागर आप्पा बळवंत चौकातील वसतिगृहात राहातो. याच भागात उत्सव रंगतो. त्यातील काही दिवस रात्री बारा वाजेपर्यंत ध्वनिर्वधक सुरू होते. त्यामुळे सकाळपासून गोंगाट आलाच. मग, सागरसह शेकडो विद्यार्थ्यांच्या अभ्यासाला तसा पूर्णविरामच. उत्सावातील दहा दिवस घरी जाऊन अभ्यास करण्याऐवजी पुण्यात राहून काही करता येईल का, याचा विचार करून सागरने गर्दीच्या मार्गावर पाण्याच्या बाटल्या विकल्या. नुसतं बसून राहणे किंवा मौजमजा करण्यापेक्षा या वातावरणात छोटासा हंगामी व्यवसाय करून काही पैसेही मिळविले. सागरसोबतच गणेश व हृषीकेश हे त्याचे मित्र हा व्यवसाय करीत होते. त्यासाठी स्टॉल्सही सुरू केले. बाजीराव रस्त्यावरील स्टॉलवर दररोज सायंकाळी ६ ते रात्री २ वाजेपर्यंत जवळपास ४०० पाण्याच्या बाटल्यांची विक्री त्यांनी केली. एका बाटलीमागे ४ ते ५ रुपये नफा या हिशेबाने दररोज १५०० ते २००० रुपये नफा कमावल्याचे त्याने सांगितले.

आर्थिक अडचणी नसल्या तरी अशा संधीचा उपयोग करून कष्टाने आपण चार पैसे कमावले, तर पालकांवरचा थोडा भार कमी होतो, याचा मला आनंद आहे.
-सागर कापडणीस

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com