स्वतःच्या मुलीला गर्भवती करणारा पिता पोलिस कोठडीत

मूर्तिजापूर : जन्मदात्या बापाने स्वतःच्या अल्पवयीन मुलीवर अत्याचार करून तिला गर्भवती करून पसार झाला होता. परंतु, पोलिसांनी त्याला काही तासातच गजाआड केले. मध्य प्रदेशच्या बैतूल जिल्ह्यातील कोथळकुंड येथील एक मजूर आपल्या कुटुंबासह मूर्तिजापूर तालुक्यातील शेलू वेताळच्या एका शेतात कामाला आहे. त्याच शेताच्या झोपडीत स्वतःच्या मुलीवर त्याने वारंवार अतिप्रसंग केला. त्यात ती गरोदर राहिली.

याची वाश्‍चता कुठे केल्यास जिवे मारण्याची धमकी नराधाम बापाने दिली असल्याची फिर्याद पीडित व तिच्या आईने ग्रामीण पोलिस स्टेशनला दिली. फिर्यादीतवरून आरोपी नराधाम बापाविरुद्ध भादंविच्या कलम ३७६ (३), ३७६ (२), (एएन) ५०६ व सहकलम ५ (१) ६ पोक्सो नुसार येथील मूर्तिजापूर ग्रामीण पोलिसांनी गुन्हा दाखल केला. पसार झालेला आरोपी नराधाम बाप मध्य प्रदेशात असल्याचा सुगावा लागताच पोलिसांनी त्याला काही तासातच अटक करून त्याला न्यायालयात हजर केले. न्यायालयाने त्याची मंगळवार पर्यंत पोलिस कोठडीत रवानगी केली.