#अर्थसंकल्प2017: तीन लाखांपर्यंतचे उत्पन्न होणार करमुक्त

टीम ई सकाळ
बुधवार, 1 फेब्रुवारी 2017

अर्थसंकल्प म्हणजेच बोली भाषेत प्रचलित असलेला 'बजेट'चा हा दिवस सर्वांच्या दृष्टीने अत्यंत महत्त्वाचा ठरतो. दारिद्र्यरेषेखालील गरिबांपासून ते श्रीमंतांपर्यंत आणि चतुर्थश्रेणीतील चाकरमान्यांपासून ते बड्या उद्योजकांपर्यंत सर्वांनाच बजेटमध्ये जाहीर करण्यात येणाऱ्या योजनांचा, निर्णयांचा कमी-अधिक प्रमाणात लाभ होतो किंवा झळ बसत असते. 

आपल्या दृष्टिकोनातून वैयक्तिक तसेच सार्वजनिक जीवनात या बजेटचा काय परिणाम होणार आहे? तुमच्याच शब्दांत थोडक्यात शेअर करा. 

आमच्यापर्यंत आपले मत पोचवा : 

  • प्रतिक्रियांच्या माध्यमातून...
  • सविस्तर विश्लेषण webeditor@esakal.com वर ईमेल करा. Subject मध्ये लिहा : Budget2017
  • सकाळ संवाद मोबाईल अॅपवरून आपले मत, विश्लेषण आमच्यापर्यंत पोचवू शकता. 
  • @eSakalUpdate ला तुमचे मत थोडक्यात ट्विट करा
  • फेसबुकवर कॉमेंट करा : www.facebook.com/SakalNews/

नवी दिल्ली : केंद्रीय अर्थमंत्री अरुण जेटली यांनी आज चौथा अर्थसंकल्प सादर केला. नोटाबंदीच्या पहिल्या अर्थसंकल्पात अर्थमंत्र्यांनी सर्वसामान्य नागरिकांना दिलासा देण्याचा प्रयत्न केला आहे . जेटलींनी 2017- 18 या आर्थिक वर्षासाठी 21 लाख 47 हजार कोटींचा अर्थसंकल्प सादर केला आहे. 

तीन लाखांपर्यंतचे उत्पन्न करमुक्त
केंद्र सरकारने आता तीन लाखांपर्यंतचे उत्पन्न करमुक्त केले आहे. याआधी 2.5 लाखांपर्यंतचे उत्पन्न करमुक्त होते. त्याचप्रमाणे 50 हजार रुपयांची सवलत (रिबेट) देण्यात आली आहे. म्हणजेच आता 3 लाख रुपयांपर्यंतच्या उत्पन्न असणाऱ्यांना काहीही टॅक्स द्यावा लागणार नाही.

5 लाखांपर्यंतच्या उत्पन्नावर 5 टक्के कर
2.5 लाख ते 5 लाखांपर्यंतच्या उत्पन्नावर 5 टक्के कर आकारण्यात येणार असल्याचे जाहीर केले आहे. याआधी यावर 10 टक्के कर आकारला जात होता. शिवाय 5 लाखांवरील उत्पन्नधारकांना करात 12,500 रुपयांची सवलत मिळणार आहे. म्हणजेच अंदाजे दोन लाख रुपयांच्या उत्पन्नावर 1 हजार रुपये कर भरावा लागेल.

5 ते 10 लाख उत्पन्न 20 टक्के कर
5 ते 10 लाख लाखांपर्यंतच्या उत्पन्नावर 20 टक्के कर आकारला जाणार आहे. यामध्ये चालू अर्थसंकल्पात कोणताही बदल करण्यात आलेला नाही.

10 लाखांवरील उत्पन्न 30 टक्के कर
10 लाखांहून अधिक उत्पन्न मिळविणार्‍या गटाला 30 टक्के कर द्यावा लागणार आहे. यामध्ये देखील कोणताही बदल करण्यात आलेला नाही. 

उच्च उत्पन्न गटातील लोकांना कर
50 लाख ते 1 कोटी उत्पन्नधारकांना कर द्यावा लागेल. त्याशिवाय त्यांना 10 टक्के अधिक सरचार्जही भरावा लागणार आहे. 1 कोटीहून अधिक उत्पन्नधारकांना कराबरोबरच 15 टक्के अधिक सरचार्ज द्यावा लागेल.

अर्थसंकल्पातील प्रमुख वैशिष्ट्ये :

  • 3 लाखांवरील व्यवहार रोखीने करण्यास बंदी
  • 3 लाखांवरील व्यवहार बँकेद्वारेच करावे लागणार
  • 1.7 लाख नागरिकांनी 50 लाखांपेक्षा अधिक उत्पन्न दाखविले
  • 24 लाख नागरिकांनी 10 लाखांहून अधिक उत्पन्न दाखविले
  • 52 लाख नागरिकांनी 5 ते 10 लाखांपर्यंत उत्पन्न
  • 76 लाख नागरिक 5 लाखांपर्यंत अधिक उत्पन्न दाखवितात
  • 99 लाख नागरिकांनी अडीच लाखांहून कमी उत्पन्न दाखविले
  • 3 वर्षांत 3.2 टक्के वित्तीय तूट
  • 20 लाख व्यापाऱ्यांनी 5 लाख रुपये उत्पन्न दाखविले
  • दोन वर्षांत कर संकलनात 17 टक्के वाढ कायम
  • मध्यमवर्गीयांना करात सवलत देणार
  • 50 कोटी रुपयांची वार्षिक उलाढाल असलेल्या कंपन्यांना 5 टक्के करात सवलत
  • आता छोट्या उद्योगांना 25 टक्के कर भरावा लागणार
  • घरांच्या कार्पेट एरियाच्या मर्यादेत वाढ
  • बिल्टअप एरिया कार्पेट एरिया म्हणून ग्राह्य धरणार
  • छोट्या कंपन्यांच्या कॉर्पोरेट करात कपात
  • ज्येष्ठ नागरिकांसाठी हेल्थ कार्ड सुरु करणार
  • आधारकार्डद्वारे खरेदी करता येणार, डेबिट कार्डप्रमाणे वापर करता येणार
  • पोस्ट ऑफिस मुख्यालयातून पासपोर्ट मिळणार
  • सैनिकांना तिकीट खरेदीसाठी रांगेत उभे राहण्याची गरज नाही
  • देशभरात 100 स्कील सेंटर सुरु करणार
  • उच्च शिक्षणासाठी युजीसीमध्ये बदल करणार
  • ई-तिकीट खरेदीवर सर्व्हिस चार्ज लागणार नाही
  • डॉक्टरांची संख्या वाढविण्यासाठी प्रवेशसंख्या वाढविणार
  • ज्येष्ठ नागरिकांसाठी एलआयसीकडून आठ टक्के व्याजदराची योजना
  • ज्येष्ठ नागरिकांसाठी आधारशी संलग्न हेल्थकार्ड देणार
  • तरुणांना ऑनलाईन शिक्षण देण्यासाठी स्वयंम नावाची योजना सुरु करणार
  • गर्भवती महिलांना 6 हजार रुपये मदत देणार
  • डाळीचे उत्पादन वाढ होईल, त्यामुळे दरावर नियंत्रण राहिल
  • प्रत्येक नागरिकाला घर देण्याचा आमचा प्रयत्न आहे
  • कच्च्या तेलाच्या किंमती आणि पेट्रोलच्या किंमती कमी होण्याची शक्यता
Web Title: Budget2017 Arun Jaitley major relief to tax payers income tax