सरकारवर ‘जीएसटी’तून धनवर्षाव!

सरकारवर ‘जीएसटी’तून धनवर्षाव!

नवी दिल्ली - केंद्रातील मोदी सरकारला वस्तू व सेवाकरामुळे (जीएसटी) ‘अच्छे दिन’ आले आहेत. देशभरात ‘जीएसटी’ ही एकच करप्रणाली लागू झाल्यानंतर एका महिन्यात केंद्र सरकारला कररूपाने ९२ हजार २८३ कोटी रुपये मिळाले आहेत. जीएसटीमुळे सरकारवर ‘धन धना धन’ वर्षाव झाला आहे. एकूण करदात्यांकडून जमा झालेला हा कर ६४ टक्के इतका आहे.

केंद्रीय अर्थमंत्री अरुण जेटली यांनी जीएसटी लागू झाल्यानंतर एका महिन्यात सरकारला करातून मिळालेल्या उत्पन्नाची माहिती देण्यासाठी पत्रकार परिषद आयोजित केली होती. केंद्र सरकारला जुलै महिन्यात ‘जीएसटी’तून तब्बल ९२ हजार कोटींचा कर मिळाला आहे. यात १४ हजार ८९४ कोटी रुपये केंद्राच्या करातून मिळाले आहेत, तर २२ हजार ७२२ कोटी रुपये हे राज्यांच्या करातून मिळाले आहेत. शिवाय, एकात्मिक करातून ४७ हजार ४६९ कोटी रुपयांचा कर मिळाला आहे. याचबरोबर भरपाई उपकरातून ७ हजार १९८ कोटी रुपये मिळाले आहेत.

सरलेल्या महिन्यात ७२.३ लाख करदात्यांपैकी ५८.५३ लाख करदात्यांनी आपली ‘जीएसटी रिटर्न्स’ भरण्याची प्रक्रिया पूर्ण केली आहे. उशिरा ‘जीएसटी रिटर्न्स’ भरणाऱ्यांना प्रतिदिन १०० रुपये दंड आकारण्यात आला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com