आयसीआयसीआय बँक कोचर यांच्या पाठीशी 

वृत्तसंस्था
गुरुवार, 29 मार्च 2018

कोचर यांच्या नेतृत्वावर विश्‍वास ठेवत आयसीआयसीआय बॅंकेच्या संचालक मंडळाने त्यांना पाठिंबा दिला आहे. बॅंकेची कर्ज मंजुरीची प्रक्रिया पारदर्शक असल्याची माहिती संचालक मंडळाने शेअर बाजाराला दिली आहे.

नवी दिल्ल : व्हिडिओकॉन समूहाला कर्ज मंजूर करताना आयसीआयसीआय बॅंकेच्या व्यवस्थापकीय संचालक आणि मुख्य कार्यकारी अधिकारी चंदा कोचर आणि त्यांच्या कुटुंबीयांनी लाभ घेतल्याचा आरोप एका वृत्तसंस्थेने केल्याने बॅंकिंग क्षेत्रात खळबळ उडाली आहे; मात्र हे आरोप निराधार असल्याचे बॅंकेच्या संचालक मंडळाने म्हटले आहे. 

कोचर यांच्या नेतृत्वावर विश्‍वास ठेवत आयसीआयसीआय बॅंकेच्या संचालक मंडळाने त्यांना पाठिंबा दिला आहे. बॅंकेची कर्ज मंजुरीची प्रक्रिया पारदर्शक असल्याची माहिती संचालक मंडळाने शेअर बाजाराला दिली आहे.

बँक आणि वरिष्ठ व्यवस्थापनाला बदनाम करण्यासाठी अशा प्रकारचे बिनबुडाचे आरोप केले जात असल्याचे संचालक मंडळाने म्हटले आहे. 
 

Web Title: ICICI Bank supports Chanda Kochhar amidst questions over Videocon