जीएसटीचा फटका; सिलिंडर 32 रुपयांनी महाग

cylinder
cylinder

नवी दिल्ली - देशभरात वस्तू व सेवाकर (जीएसटी) लागू केल्यानंतर काही वस्तूंच्या किंमती कमी झाल्या आहेत, तर काहींच्या किंमतीत वाढ झाली आहे. पण, सर्वसामन्यांना याचा मोठा फटका बसल्याचे दिसत आहे. कारण, घरगुती सिलिंडरच्या दरात जीएसटी लागू झाल्याने आणि अंशदानात कपात करण्यात आल्याने 32 रुपयांनी वाढ झाली आहे.

एका इंग्रजी वृत्तपत्राने दिलेल्या माहितीनुसार, जीएसटी लागू होण्यापूर्वी राज्यांना सिलिंडरवर कर देण्याची गरज नव्हती. काही राज्यांमध्ये 2 किंवा 4 टक्के व्हॅट लावण्यात येत होता. पण, आता सिलिंडरला 5 टक्के जीएसटी कराच्या श्रेणीमध्ये ठेवण्यात आले आहे. त्यामुळे किंमतीत 12 ते 15 रुपयांपर्यंत वाढ होणार आहे.

याबरोबरच जूनपासून सिलिंडरवरील अंशदान कमी करण्यात आले आहे. जून महिन्यापर्यंत अंशदान म्हणून 119 रुपये जमा होत होते. पण, आता ते 107 रुपयेच खात्यावर जमा होत आहेत. या प्रकारे सिलिंडरच्या दरात 30 ते 32 रुपयांनी वाढ झाल्याचे स्पष्ट झाले आहे.

जीएसटीमुळे विनाअनुदानित सिलिंडरच्या दरात मात्र घट झाली आहे. या सिलिंडरच्या दरात 69 रुपयांनी घट झाली आहे. यापूर्वी विनाअनुदानित सिलिंडरवर 22.5 टक्के कर लावण्यात येत होता. आता तो 18 टक्के ठेवण्यात आला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com