पतंजलीच्या दुकानांमध्ये लवकरच कॅशलेस व्यवहार

वृत्तसंस्था
शनिवार, 17 डिसेंबर 2016

केवळ पन्नास रुपयांपेक्षा कमी रकमेचे व्यवहार रोख पद्धतीने होतील. नोटाबंदीच्या निर्णयानंतर पतंजलीच्या सर्व दुकानांमध्ये गरीबांना उधारीवर वस्तू देण्याच्या सूचना देण्यात आल्या होत्या.

नवी दिल्ली - पंतप्रधान नरेंद्र मोदींच्या नोटाबंदीच्या निर्णयाला पाठिंबा देणाऱ्या योगगुरु रामदेव बाबांनी आता पतंजलीच्या दुकानांमधील व्यवहार 'कॅशलेस' करण्याच्या दिशेने प्रयत्न सुरु केले आहेत. 

नाताळापुर्वी सर्व दुकानांमध्ये डिजिटल स्वरुपातील व्यवहार सुरळीत व्हावेत यासाठी रामदेव बाबांनी पाच बँकांशी संपर्क साधला आहे. याशिवाय, पतंजलीच्या दुकानांमध्ये पन्नास रुपयांपासून पुढचे व्यवहार डिजिटल पद्धतीने करण्याचा निर्णय घेतला आहे. 

"केवळ पन्नास रुपयांपेक्षा कमी रकमेचे व्यवहार रोख पद्धतीने होतील. नोटाबंदीच्या निर्णयानंतर पतंजलीच्या सर्व दुकानांमध्ये गरीबांना उधारीवर वस्तू देण्याच्या सूचना देण्यात आल्या होत्या", अशी माहिती पतंजलीचे मुख्य कार्यकारी अधिकारी आचार्य बाळकृष्ण यांनी दिली. 

"रोख रक्कम नसल्यामुळे कोणत्याही व्यक्तीचे नुकसान होऊ नये हा त्यामागचा हेतू आहे", असेही ते म्हणाले. पतंजलीची देशभरात 5300 दुकाने आहेत. 

नोटाबंदी जाहीर झाल्यानंतर रामदेव बाबांनी लगेचच एसबीआय, अॅक्सिस बँक, आयसीआयसीआय बँक, एचडीएफसी बँक आणि पंजाब नॅशनल बँकेची भेट घेतली आहे. नाताळपूर्वी पतंजलीच्या देशभरातील 5,300 दुकानांना सर्व बँकांशी जोडून डिजिटल व्यवहार सुरळीत करण्याचा त्यांचा हेतू आहे. काही बँकांच्या अधिकाऱ्यांनी गुप्ततेच्या अटीवर या बातमीला दुजोरा दिला आहे.

अर्थविश्व

शेल कंपन्यांच्या माध्यमातून काळा पैसा पांढरा करणाऱ्यांवर कारवाईचा बडगा नवी दिल्ली - बाजार नियंत्रक मंडळ सेबीने आता शेल (बनावट...

सोमवार, 14 ऑगस्ट 2017

आठवडाभरातील स्‍थिती; सेन्सेक्‍सने १,०११, तर निफ्टीने ३५५ अंश गमावले मुंबई - आठवडाभर शेअर बाजारात झालेल्या पडझडीत बडे शेअर्स...

सोमवार, 14 ऑगस्ट 2017

जोडणीसाठी ३१ ऑगस्टपर्यंतची मुदतवाढ  नवी दिल्ली - देशभरात ९.३ कोटी पॅन कार्डची आधार कार्डशी जोडणी करण्यात आली आहे, अशी...

सोमवार, 14 ऑगस्ट 2017