येत्या १० दिवसात पेट्रोल- डिझेलचे दर गगनाला भिडणार

येत्या काही दिवसात इंधन दर वाढण्याची शक्यता आहे. मागील कित्येक दिवसापासुन इंधनाचे दर कायम होते. त्यात कुठल्याही प्रकारची वाढ दिसुन आली नाही मात्र आता देशात निवडणुका संपत आल्या आहेत त्यामुळे येत्या १० दिवसांत पेट्रोल आणि डिझेलच्या दरात वाढ होऊ शकते. हे दर १२ रुपयांनी वाढ होऊ शकतात, असा अंदाज व्यक्त केला जातोय. कच्च्या तेलाच्या किमतीने प्रति बॅरल ११५ डॉलरचा टप्पा ओलांडला आहे. त्यामुळे आता पेट्रोल डिझेल वाढेलच यात काही शंका नाही.

आंतरराष्ट्रीय बाजारातून कच्चे तेलाच्या आयात भाव गगनाला भिडले आहेत अशा परिस्थितीत पेट्रोल आणि डिझेलची विक्री करून तेल कंपन्यांना मोठा तोटा होतोय. तेल कंपन्यांचा हा तोटा भरून काढण्यासाठी येत्या काही दिवसांत पेट्रोल आणि डिझेलच्या किमती प्रति लिटर ११-१२ रुपयांनी वाढवणे आवश्यक आहे.

४ नोव्हेंबर २०२१ पासून पेट्रोल आणि डिझेलच्या दरात कोणताही बदल झालेला नाही मात्र कच्च्या तेलाच्या किमती झपाट्याने वाढत आहे. अशात देशात निवडणुका संपताच पेट्रोल आणि डिझेलच्या किंमती वाढेल, अशी शक्यता वर्तवली जातेय