बचतीतून गुंतवणुकीकडे!

गौरव मुठे
गौरव मुठे

आपण कायम आपल्या पगारातून, उत्पन्नाच्या स्रोतांतून बचत करतो. मात्र ही बचत कायम "बचत' म्हणूनच राहते. त्यांचा गुंतवणुकीसाठी उपयोग केला पाहिजे. मुळात बऱ्याच लोकांना बचत आणि गुंतवणुकीतील अर्थ कळत नाही. बचतीवर कोणत्याही प्रकारचा परतावा मिळत नाही. बऱ्याच काळापर्यंत तेवढीच असते. मात्र बचतीतील पैशाची गुंतवणूक केल्यास त्यावर कमी-अधिक प्रमाणात परतावा मिळतो.

आपणाला विविध पॉलिसींचे हप्ते असतात. वर्षअखेरीस आपण ते एकदम भरतो. मात्र हे हप्ते भरताना त्याची तजवीज वर्षभर आधीपासून सुरू केल्यास वर्षअखेर आर्थिक ताण येत नाही. शिवाय काही हजारांचा हप्ता असल्यास दरमहिना ठराविक रक्कमेचे रिकरिंग खाते उघडल्यास वर्षभर त्यावर व्याज मिळते. त्यामुळे बचतीतून गुंतवणुकीचा मार्गावर गेले पाहिजे.

वॉरन बफे या जगातल्या श्रीमंत माणसांपैकी एक असणाऱ्या अब्जाधीशाने असे सांगितले आहे, की उत्पन्नाच्या कोणत्याही एका स्रोतावर अवलंबून राहून नका. उत्पन्नाचा दुसरा स्रोत हवा यासाठी गुंतवणुकीकडे वळा.''
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com