Share Market : शेअर बाजाराची स्थिर सुरुवात; सेन्सेक्स-निफ्टीत वाढ; EICHERMOT, JSWSTEEL वधारले

Share Market Updates: सलग सहा दिवसांच्या घसरणीनंतर आज शेअर बाजाराची सुरुवात स्थिर झाली. सेन्सेक्स आणि निफ्टी दोन्ही निर्देशांकांत किरकोळ वाढीसह सुरु झाले. आजच्या दिवसाच्या सुरुवातीला सेन्सेक्स अंकांनी वधारून 52,946.32वर सुरु झाला, तर निफ्टी अंकांनी वधारुन 15,845.10वर सुरु झाला. निफ्टी-50 मधील आयशर मोटर्स (EICHERMOT), जेएसडब्ल्यू स्टील (JSWSTEEL), टाटा स्टील (TATASTEEL), एल अॅण्ड टी (LT), मारूती (MARUTI) यांसह 28 शेअर्सनी सकारात्मक ओपनिंग दिलं, तर अल्ट्राटेक सिमेंट (ULTRACEMCO), श्री सिमेंट (SHREECEM), डॉ. रेड्डी (DRREDDY), नेस्टले इंडिया (NESTLEIND), GRASIM सह 22 शेअर्सची सुरुवात घसरणीने झाले.

तत्पूर्वी शेअर बाजारातील घसरणीचं सत्र शुक्रवारी सलग सहाव्या दिवशीही सुरूच राहिले. दमदार सुरुवातीनंतर शेअर बाजारात सातत्याने घसरण होत राहिली आणि दिवसअखेर सेन्सेक्स आणि निफ्टी निर्देशांक लाल रंगात बंद झाले. सेन्सेक्स 136.69 अंकांनी अर्थात 0.26 टक्क्यांनी घसरून 52793.62वर बंद झाला तर निफ्टी 25.85 अंकांनी अर्थात 0.16 टक्क्यांनी घसरून 15,782.15वर बंद झाला. निफ्टी 50 मधील 25 शेअर्समध्ये वाढ झाली, तर 25 शेअर्समध्ये घसरण नोंदवली गेली.