अकाेला : शेगावीचा ‘राणा’ रिसोड शहरात दाखल

शहरात भक्तीमय वातावरण; गण गण गणात बोतेचा गजर
श्री संत गजानन महाराज
श्री संत गजानन महाराजsakal

रिसोड : श्री संत गजानन महाराज यांच्या पालखीचे रिसोड शहरात १५ जून रोजी दुपारी आगमन झाले. मागील ५३ वर्षापासून श्री संत गजानन महाराज यांची पालखी आषाढी वारीनिमित्त पंढरपूरला जात असते. कोरोनामुळे गेली दोन वर्ष पालखीला खंड पडला होता. आज दुपारी तीन वाजता पालखीचे शहरात आगमन झाले.

मालेगाव नाक्यापासून बँड पथकाच्या ढोल-ताशांच्या गजरात वाजत गाजत पालखीचे आगमन झाले. सकाळपासूनच शहरात पालखीच्या स्वागताची जय्यत तयारी सुरू होती. रस्ते स्वच्छ करून ठेवण्यात आले. रस्त्यावर रांगोळ्या काढल्या होत्या. ठिकठिकाणी वारकऱ्यांसाठी विविध वस्तूचे तसेच जीवनावश्यक वस्तूचे वाटप करण्यात आले. मागील दोन वर्षापासून पालखीमध्ये खंड पडला असल्यामुळे यावर्षी मोठ्या उत्साहात पालखीचे स्वागत करण्यात आले.

लोणी फाटा आंबेडकर चौक सिव्हिल लाईन मार्गे पालखी येथील बाजार समितीमध्ये अतिशय भक्तीमय वातावरणात दाखल झाली. या ठिकाणी दर्शन घेण्यासाठी ग्रामीण भागातून हजारोंच्या संख्येने भक्त उपस्थित झाले होते. पालखीतील वारकरी यासोबतच ग्रामीण भागातून तसेच शहरातील दर्शनाकरता येणाऱ्या जवळपास २५ हजार भाविक भक्तांना महाप्रसादाचे वितरण करण्यात आले. उद्या १६ जून रोजी पालखी मराठवाड्यात मार्गस्थ होणार आहे.

रांगोळ्यांनी सजल्या गल्ल्या

शेगावीचा राणा शहरात दाखल होण्याआधीच प्रत्येक रस्त्यावर सडा टाकून रांगोळी रेखाटण्यात आल्या होत्या. काही ठिकाणी ‘श्री’च्या पालखीवर पुष्पवृष्टी करण्यात आली. रिसोड व मालेगाव तालुक्यातील भक्तांची गर्दी झाल्याने रस्ते फुलुन गेले होते. बाजार समितीत बाजार समितीचे सचिव विजय देशमुख यांनी पालखीचे स्वागत केले. बाजार समितीतील आवाराला यात्रेचे स्वरूप आले होते. बाजार समितीने पालखीतील वारकऱ्यांची चोख व्यवस्था केली होती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com