इटाह (उत्तर प्रदेश) : मिनी बसच्या चालकाचे नियंत्रण सुटल्याने झालेल्या भीषण अपघातात 14 जण मृत्युमुखी पडले असून 24 पेक्षा अधिक जण जखमी झाले आहेत.
एका कुटुंबाने साक्रौली गावातून आग्य्राच्या दिशेने जाण्यासाठी बस भाड्याने घेतली होती. आज (शुक्रवार) पहाटे बस इटाह जिल्ह्यातील सराई निम येथील तुंदला रस्त्याच्या शेजारी जालेसर परिसरात पोहोचल्यानंतर झोपेच्या अधीन झालेल्या चालकामुळे त्याचे बसवरील नियंत्रण सुटले. त्यामुळे बस एका कालव्यात जाऊन कोसळली. या अपघातात 14 जण मृत्युमुखी पडले आहेत. तर 24 पेक्षा अधिक जण जखमी झाले आहेत. जखमींना जालेसर येथील प्राथमिक उपचार केंद्रात दाखल करण्यात आले आहे. जखमींना बाहेर काढण्यासाठी मोठी मोहिम हाती घेण्यात आली आहे.
एका इंग्रजी वृत्तपत्राने दिलेल्या वृत्तानुसार विवाह उरकून सर्वजण ट्रकने गावी परतत असताना ट्रकला अपघात झाला. तर एएनआयच्या वृत्तानुसार मिनी बसचा अपघात झाला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.