पोलिसांना अपशब्द वापरल्याप्रकरणी अभिनेत्रीला अटक, दारूच्या नशेत धिंगाणा

अभिनेत्री काव्या थापरला पोलिसांनी अटक केली आहे. पोलिसांना अपशब्द वापरल्याच्या आरोपाखाली तिला अटक करण्यात आली असून सध्या न्यायालयीन कोठडी दिल्याचं जुहू पोलिसांनी संगितलं. (Actress Kavya Thapar sent to Judicial Custody)

अभिनेत्री काव्या थापरने काल सकाळी एका कारला धडक दिली आणि एका व्यक्तीला जखमी केलं. यावेळी काव्या दारूच्या नशेत असल्याचंही तपासात उघड झालंय. या प्रकरणावरून तिने पोलिसांशी वाद घातला होता. अखेर काव्याविरोधात तक्रार दाखल करण्यात आली. आणि पोलिसांनी उर्वरित कारवाई करत तिला न्यायालयात हजर केले.

पोलिसांशी हुज्जत घालून त्यांना अपशब्द वापरल्याचं स्पष्ट झालं. अखेर याच आरोपांखाली तिला अटक करण्यात आली असून न्यायालयीन कोठडीत पाठवण्यात आल्याचे जुहू पोलिसांनी सांगितले. (Kavya Thapar)

काव्या प्रामुख्याने साऊथच्या चित्रपटांमध्ये दिसते. तिचा जन्म 20 ऑगस्ट 1995 रोजी महाराष्ट्रात झाला. याआधी तिने बॉम्बे स्कॉटिश स्कूलमधून शालेय शिक्षण पूर्ण केलंय. यासोबतच ठाकूर कॉलेज ऑफ सायन्स अँड कॉमर्स कॉलेजमधून पदवी प्राप्त केली आहे.