महाराष्ट्र, कर्नाटकनंतर आता राजस्थानातही भोंग्यांची काँट्रोव्हर्सी, 'बंद'चे आदेश

गुढीपाडव्यानंतर मनसेने आक्रमक पवित्रा घेत मशिदींवरील भोंग्यांविरोधात आवाज उठवायला सुरुवात केली. राज ठाकरे यांनी दिलेल्या घोषणेमुळे मनसैनिकांनी मशिदींसमोर हनुमान चालिसाचे पठन सुरू केले. मशिदींवरून भोंगे न उतरवल्यास मनसे स्टाईल आंदोलन करण्याची धमकी दिली आहे. (Masjid LoudSpeaker Controversy)

या दरम्यान, कर्नाटक सरकारने सर्व सार्वजनिक आणि धार्मिक स्थळांवर लाऊडस्पीकरच्या वापरावर बंदी घालणारा आदेश काढला. यापाठोपाठ आता राजस्थानचाही नंबर लागला आहे. अजमेर जिल्हा प्रशासनाने धार्मिक स्थळांवरील लाऊडस्पीकर्स काढण्याचे आदेश दिले आहेत.

राजस्थानात जिल्हा प्रशासनाने ध्वनी नियंत्रण कायदा, 1963 आणि 2005 च्या आदेशाचा दाखला देत, नोटीसमध्ये "सार्वजनिक आणि धार्मिक ठिकाणी शांतता राखण्यासाठी" लाऊड स्पीकर बंद करण्याची नोटीस काढली आहे. 'ध्वनी प्रदूषणामुळे होणारा त्रास कमी करण्यासाठी हे पाऊल उचलण्यात आल्याचं आदेशात नमूद आहे.