बाबरी मशीद: अडवानींसह 12 जणांना जामीन मंजूर

All 12 accused in Babri demolition case granted bail
All 12 accused in Babri demolition case granted bail

लखनौ - अयोध्येतील वादग्रस्त वास्तू पाडल्याप्रकरणी केंद्रीय अन्वेषण विभागाच्या (सीबीआय) विशेष न्यायालयाने आज (मंगळवार) भाजपचे ज्येष्ठ नेते लालकृष्ण अडवानी, डॉ. मुरली मनोहर जोशी आणि केंद्रीय मंत्री उमा भारती यांच्यासह 12 जणांना जामीन मंजूर केला.

बाबरी मशीद पाडण्यात आल्याप्रकरणी विशेष न्यायालयाने गेल्या आठवड्यात दररोज सुनावणीला सुरवात केली. 6 डिसेंबर 1992 रोजी कटकारस्थान करून मशीद पाडल्याच्या भाजप नेत्यांवरील आरोपाची न्यायालय तपासणी करण्यात येणार आहे. न्यायालयाने अडवानी, उमा भारती, मुरली मनोहर जोशी, विनय कटियार साध्वी ऋतंभरा आणि विष्णू हरी डालमिया यांच्यासह 12 जणांना आज न्यायालयात हजर राहण्याचे आदेश दिले होते. आज सकाळी सर्वजण सुनावणीसाठी न्यायालयात हजर होते. या सर्वांना न्यायालयाने 50 हजार रुपयांच्या जातमुचलक्यावर जामीन मंजूर केला आहे. आरोपांवरील सुनावणी अद्याप बाकी आहे.

न्यायालयाने यापूर्वी दिलेल्या आदेशानुसार, अडवानी, उमा आणि जोशी यांना त्यांच्याविरुद्ध आरोप निश्‍चित करताना न्यायालयात हजर राहण्यास सांगितले होते. गेल्या महिन्यात सर्वोच्च न्यायालयाने या प्रकरणात भाजप नेत्यांविरुद्ध पूर्वनियोजित कट रचल्याचा ठपका ठेवला होता. त्यानुसार न्यायालयाने अडवानी, उमा भारती आणि जोशी यांच्याविरुद्ध कटकारस्थानसंबंधीचा खटला चालविण्याचे निर्देश दिले होते. त्यांचा खटला रायबरेली न्यायालयातून लखनौच्या न्यायालयात हस्तांतरित करण्यात आला होता. तसेच नृत्यगोपाल दास, महंत रामविलास वेदांती, वैकुंठलाल शर्मा उर्फ प्रेमजी, चंपत राय बंसल, धर्मदास आणि डॉ. सतीश प्रधान यांच्याविरोधात आरोप निश्‍चित करण्यासाठी सुनावणी ठेवली होती; पण त्यापूर्वीच ते न्यायालयासमोर हजर झाले आणि त्यांना न्यायालयाने जामीन दिला. आता या सर्वांना जामीन मंजूर करण्यात आला आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com