उन्नाव बलात्कारप्रकरण ; भाजप आमदाराकडून पीडितेच्या कुटुंबियांना धमकी

वृत्तसंस्था
रविवार, 15 एप्रिल 2018

उन्नाव सामूहिक बलात्कारप्रकरण उघडकीस आल्यानंतर देशभरात या घटनेवरून प्रचंड संताप व्यक्त केला जात आहे. याप्रकरणात भाजपचे आमदार सेंगर यांचा समावेश असल्याचा आरोप पीडित तरुणीकडून करण्यात आला आहे.

लखनौ : उन्नाव येथील एका 18 वर्षीय मुलीने भाजपचे आमदार कुलदीपसिंह सेंगर आणि त्यांच्या भावांनी आपल्यावर सामूहिक बलात्कार केल्याचा आरोप केला. त्यानंतर या आरोपावरून सेंगर याच्याविरोधात गुन्हा दाखल करण्यात आला. आता सेंगर याच्या गुंडांकडून पीडित तरुणीच्या कुटुंबियांना धमकी देण्यात आली असून, पीडितेच्या कुटुंबियातील दोन जण बेपत्ता झाले आहेत. 

Unnao rape case

उन्नाव सामूहिक बलात्कारप्रकरण उघडकीस आल्यानंतर देशभरात या घटनेवरून प्रचंड संताप व्यक्त केला जात आहे. याप्रकरणात भाजपचे आमदार सेंगर यांचा समावेश असल्याचा आरोप पीडित तरुणीकडून करण्यात आला आहे. त्या आरोपावरून आमदार सेंगर यांच्याविरोधात गुन्हा दाखल करण्यात आला. त्यानंतर आता आमदार सेंगर यांच्या गुंडांकडून आपल्यावर दबाव टाकण्यात येत असून, धमक्याही दिल्या जात आहेत, असे पीडित तरुणीच्या चुलत्याने सांगितले.  

दरम्यान, उन्नाव येथील बलात्कारप्रकरण समोर आल्यानंतर पीडित तरुणीच्या वडिलांना सेंगर आणि त्यांच्या भावांकडून मारहाण करण्यात आली होती. एवढे होऊनही या उलट पीडितेच्या वडिलांनाच पोलिसांनी अटक केली होती. पोलिस कोठडीत पीडितेच्या वडिलांचा मृत्यू झाल्यानंतर हे प्रकरण चर्चेत आले. आपल्या वडिलांच्या कोठडीतील मृत्यूला आमदार सेंगर हेच कारणीभूत असल्याचा आरोपही पीडित मुलीने केला.

Web Title: Crime News Unnao rape case BJP MLA Kuldeep Singh Sengars goons allegedly threaten villagers 2 people missing