फरहान अख्तरनेही डिलीट केले फेसबुक अकाऊंट  

Farhan
Farhan

नवी दिल्ली : गेले काही दिवस चालू असणाऱ्या फेसबुकवरील आरोपांमुळे व केंब्रिज अॅनालिटिका या राजकीय विश्लेषक कंपनीने फेसबुकवरून चोरलेल्या माहितीमुळे अनेकांनी फेसबुक अकाऊंट डिलीट केले आहेत. फेसबुकने लोकांचा विश्वास खोटा ठरवला असेही आरोप त्यांच्यावर केले गेले. यामुळे लोकांची फेसबुकवरील विश्वासार्हता कमी झाली आहे. आता अकाऊंट डिलीट करण्यात भारतीय सेलिब्रेटींचा देखील नंबर लागला आहे. 

अभिनेता-दिग्दर्शक फरहान अख्तर याने त्याचे फेसबुकवरील अकाऊंट डिलीट केल्याचे ट्विटरवरून सांगितले. त्याने याचे स्पष्टीकरण दिले नसून, याच फेसबुकच्या प्रकरणामुळे अकाऊंट डिलीट केल्याचा अंदाज व्यक्त केला जात आहे. त्याचे FarhanAkhtarLive page हे तसेच राहणार असून त्यावरून तो संवाद साधू शकेल. 

#DeleteFacebook या हॅशटॅगचा वापर करत फेसबुक अकाऊंट डिलीट करायची चळवळ चालू झाली आहे. यात बरेच सेलिब्रेटी देखील सामील आहेत. व्हॉट्अॅपच्या सहसंस्थापकांनीही मागच्या आठवड्यातच फेसबुक डिलीट करण्याचे आवाहन केले होते. या प्रकरणाच्या पानभर बातम्याही जगभर प्रकाशित केल्या जात आहेत. अमेरिकेच्या निवडणूकांमध्येही या कंपनीने लोकांची वैयक्तिक माहिती फेसबुक वरून चोरल्याचे आरोप केले जात आहेत. याचा निषेध म्हणून अनेक युजर्स आपले फेसबुक अकाऊंट डिलीट करत आहेत.      

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com