Ukraine : सरकार 'मिशन मोड'वर; भारतीयांचं विमान लवकरच मुंबईत - गोयल

नवी दिल्ली : युद्धाच्या पार्श्वभूमीवर युक्रेनमध्ये अडकलेल्या अडकलेल्या भारतीयांना घेऊन एअर इंडियाचं विमान काही वेळात भारतात परतणार आहे. यापार्श्वभूमीवर केंद्रीय मंत्री या भारतीयांच्या स्वागतासाठी मुंबई विमानतळावर दाखल होणार आहेत. याबाबत माहितीचं ट्विट त्यांनी काही वेळापूर्वी केलं. (Govt on mission mode says Piyush Goyal due to plane carrying Indians from Ukraine)

गोयल यांनी ट्विटमध्ये म्हटलं की, युक्रेनमधून सुरक्षितरित्या बाहेर काढलेल्या भारतीयांचं मुंबई विमानतळावर आगमनाची वाट पाहतो आहोत. सरकार सध्या या परिस्थितीत मिशन मोडवर काम करत आहे. भारतीयांच्या सुरक्षिततेसाठी सरकारकडून प्रयत्न सुरु असल्याचंही त्यांनी म्हटलं आहे.

दरम्यान, युद्धग्रस्त युक्रेनमध्ये अडकलेल्या 219 भारतीयांना घेऊन पहिल्या विमानाने रोमानियाहून दुपारी पहिलं विमान मुंबईसाठी रवाना झालं होतं. हे विमान भारतीय वेळेनुसार रात्री 9 वाजता मुंबईतील छत्रपती शिवाजी महाराज आंतरराष्ट्रीय विमानतळावर पोहोचणार आहे. परराष्ट्र मंत्री एस जयशंकर यांनी ही माहिती दिली आहे.