काश्मीर: दहशतवाद्यांच्या गोळीबारात मेजरसह जवान हुतात्मा

जम्मू- जम्मू काश्मीरमधील शोपियाँ जिल्ह्यात आज (गुरुवार) सकाळी सुरक्षा रक्षक आणि दहशतवाद्यांमध्ये झालेल्या चकमकीत मेजरसह एक जवान हुतात्मा झाला आहे. तर कुलगाम येथे झालेल्या चकमकीत दोन दहशतवाद्यांनाही कंठस्नान घालण्यात आले.

आज सकाळी शोपियाँ आणि कुलगाममध्ये दहशतवाद्यांबरोबर चकमक झाली. शोपियाँत लष्कराच्या ताफ्यावर हल्ल्या करून दहशतवादी पळून जाण्यात यशस्वी ठरले. या गोळीबारात मेजर कमलेश पांडे यांच्यासह एक जवान हुतात्मा झाला आहे. गोळीबारानंतर पळून गेलेल्या दहशतवाद्यांच्या शोधासाठी शोधमोहिम परिसरात मोहिम राबविण्यात येत आहे.

दुसरीकडे कुलगाममधील गोपालपुरा गावात सुरक्षा रक्षक आणि हिज्बुल मुजाहिदीनच्या दहशतवाद्यांत चकमक झाली. या चकमकीत दोन दहशतवादी ठार झाले आहेत. दहशतवाद्यांवरील रायफल्स आणि शस्त्रास्त्रे जप्त करण्यात आली आहेत. यातील एक दहशतवादी पोलिसांच्या हत्येतील आरोपी होता. त्याने कुलगाम जिल्ह्यातील पोंबाई गावात पाच पोलिस कर्मचारी आणि दोन बँक कर्मचाऱ्यांची हत्या केली होती.

ई सकाळवरील ताज्या बातम्यांसाठी क्लिक करा :

• आंबोली: दारुच्या नशेत युवक पडले दरीत (व्हिडिओ)
• मराठा क्रांती मोर्चा म्हणजे दाबून ठेवलेल्या असंतोषाचा उद्रेक
• कल्याण-डोंबिवली महानगरपालिका बरखास्त करा: सचिनपोटे
• कऱ्हाड: वीजेचा शॉक लागून शेतमजूराचा मृत्यू​
• कोयना पाणलोट क्षेत्रात पावसाचा जोर ओसरला
• धुळे: सोनगीरला 40 वर्षांच्या प्रतीक्षेनंतर बसस्थानक होणार​
• "सिद्धेश्‍वर'ची चिमणी पाडण्यासाठी नाशिकच्या कंपनीची निविदा​
• डोकलाम: चीनची पुन्हा धमकी; भारताचाही ठाम नकार​
• नितीशबाबूंचे नवे सरकार जास्त कलंकित​
•