रॅगिंगप्रकरणी 54 विद्यार्थिनींना प्रत्येकी 25 हजारांचा दंड

दरभंगा : दरभंगा वैद्यकीय महाविद्यालयातील 54 विद्यार्थिनींना रॅगिंगप्रकरणी प्रत्येकी 25 हजार रूपयांचा दंड ठोठावण्यात आला आहे. वैद्यकीय महाविद्यालयातील विद्यार्थ्यांना रॅगिंगप्रकरणी दंड ठोठावण्याची पंधरा दिवसातील ही दुसरी घटना आहे.  

दरभंगा महाविद्यालयातील दंड ठोठावण्यात आलेल्या विद्यार्थिनी या पहिल्या आणि दुसऱ्या वर्षात शिक्षण घेणाऱ्या आहेत. यातील दुसऱ्या वर्षात शिक्षण घेणाऱ्या विद्यार्थिनींना या रॅगिंगप्रकरणात सामील झाल्यामुळे तर पहिल्या वर्षात शिक्षण घेणाऱ्या विद्यार्थिनींना पीडितांची ओळख नाकारल्याने अशा 54 विद्यार्थिनींना प्रत्येकी 25 हजार रुपयांचा दंड ठोठावण्यात आला आहे.

"पहिल्या वर्षात शिकणाऱ्या काही विद्यार्थिनींनी महाविद्यालयात रॅगिंगचा प्रकार केला जात असल्याची तक्रार मेडिकल कौन्सिल ऑफ इंडियाकडे केली होती. या प्रकरणाची मेडिकल कौन्सिल ऑफ इंडियाने गंभीर दखल घेत याप्रकरणात समावेश असलेल्या विद्यार्थिनींवर कडक कारवाई करावी, असे सांगण्यात आले होते. त्यानंतर रॅगिंगविरोधी समितीकडून तातडीची बैठक घेण्यात आली. समितीच्या सदस्यांनी मुलींच्या वसतिगृहात जाऊन याबाबतची चौकशी केली. मात्र, यावर बोलण्यास वरिष्ठ किंवा कनिष्ठ विद्यार्थिनींनी नकार दिला, अशी माहिती दरभंगा वैद्यकीय महाविद्यालयाचे प्राचार्य डॉ. आर. के. सिन्हा यांनी दिली. 

"मेडिकल कौन्सिल ऑफ इंडियाच्या नियमानुसार अशाप्रकारच्या घटनांसाठी संबंधित विद्यार्थ्याला 25 हजार रुपये दंड ठोठावण्याची तरतूद आहे. त्यामुळे संबंधित विद्यार्थिनींनी 25 नोव्हेंबरपर्यंत दंडाची रक्कम जमा करायला हवी. अन्यथा संबंधित विद्यार्थिनींवर पुढील कारवाई करण्यात येईल", असेही सिन्हा म्हणाले.   

दरम्यान, काही दिवसांपूर्वीच भागलपूर येथील जवाहलाल नेहरू वैद्यकीय महाविद्यालयील विद्यार्थ्यांना आपल्या कनिष्ठ विद्यार्थ्यांवर रॅगिंग केल्याच्या आरोपावरुन दुसऱ्या वर्षात शिकणाऱ्या विद्यार्थ्यांनाही 25 हजारांचा दंड ठोठावण्यात आला होता. 

'ई सकाळ'वरील इतर महत्त्वाच्या बातम्या : 

• निसटलेला सूर पुन्हा जुळेल...  
• लाकडी खेळण्यांवर सावंतवाडीत संक्रांत
• 'गुजरात'मुळे राणेंच्या मंत्रिपदाला तूर्तास ब्रेक?
• 'दादां'च्या आंदोलनामुळे शहराला मंत्रिपद निश्‍चित
• बेळगावमध्ये आज ‘बस डे’
• असहाय मुलीला बालदिनी मिळाले ‘आप्तस्वकीय’
• खासगी बॅंकांही राबवणार राष्ट्रीय पेन्शन योजना
• पीक फवारणीसाठीही आता 'प्रिस्क्रिप्शन'!
• सोलापूरमध्ये ऊसदाराचा तिढा कायम
• शरद पवार घेणार डिसेंबरअखेरपर्यंत समितीचा मेळावा
• घामाच्या इतिहासात दरवळणारं स्मृतिमंदिर (उत्तम कांबळे)