देशात 1 कोटी रोजगारनिर्मिती होणार

देशात 1 कोटी रोजगारनिर्मिती होणार

नवी दिल्ली : केंद्र सरकार 1 कोटी नवीन रोजगारनिर्मिती करणार आहे. याअंतर्गत कर्मचाऱ्यांना 12 टक्केप्रमाणे तीन वर्षांच्या भविष्यनिर्वाह निधीची तरतूदही सरकारकडून करण्यात येणार आहे. केंद्र सरकारच्या प्रधानमंत्री रोजगार प्रोत्साहन योजनेअंतर्गत रोजगारनिर्मितीसाठी नव्याने पावले उचलली जात असून, याचा सर्वाधिक फायदा युवावर्गाला होणार आहे. 

प्रायोगिक तत्त्वावर प्रथमत: संघटित क्षेत्रातील कर्मचाऱ्यांना या योजनेचा लाभ मिळणार आहे. गुरुवारी पंतप्रधान नरेंद्र मोदी यांच्या अध्यक्षतेखालील आर्थिक व्यवहारासंबंधी मंत्रिमंडळाच्या समितीने रोजगारनिर्मितीच्या प्रस्तावाला मंजुरी दिल्याची माहिती केंद्रीय कामगारमंत्री संतोषकुमार गंगवार यांनी दिली. 

गंगवार म्हणाले, की सरकारच्या या योजनेमुळे 1 कोटी नवीन रोजगारनिर्मिती होणार आहे. या योजनेसाठी अंदाजे 6 हजार 500 ते 10 हजार कोटी रुपयांपर्यंत तरतूद करण्यात येणार आहे. सरकारच्या नव्या धोरणानुसार आधी ज्या कर्मचाऱ्यांना मुख्य वेतनात 8.33% भविष्य निर्वाह निधीचे योगदान दिले जात होते, ते आता 12 टक्के कंपनी योगदान राहणार आहे. 

होणारे फायदे 

  1. असंघटित क्षेत्रातील कामगारांनाही सामाजिक सुरक्षेअंतर्गत भविष्यनिर्वाह निधी व निवृत्तिवेतन आदी सुविधांचा लाभ मिळेल. 
  2. मोठ्या प्रमाणात युवकांना रोजगाराचा लाभ होणार 
  3. आतापर्यंत 500 कोटी रुपये खर्च 
  4. आतापर्यंत देशभरातील 31 लाख बेरोजगारांना फायदा 

अशी आहे प्रधानमंत्री रोजगार प्रोत्साहन योजना 
प्रधानमंत्री रोजगार प्रोत्साहन योजना ऑगस्ट 2016 मध्ये सुरू झाली होती. याअंतर्गत संघटित क्षेत्रातील कर्मचाऱ्यांसाठी निवृत्तिवेतन योजनेअंतर्गत कंपनीचे योगदान सरकार करीत आहे. हे योगदान कर्मचाऱ्यांचे मूळ वेतन + महागाई भत्ता 8.33% असे असते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com