...म्हणून मोदी सरकार विरोधकांची समजूत काढणार

Union minister Vijay Goel will meet Opposition leaders to break Parliament logjam
Union minister Vijay Goel will meet Opposition leaders to break Parliament logjam

नवी दिल्ली : संसदेचे अधिवेशन सुरु असताना विविध मुद्यांवरून विरोधकांकडून आक्रमक पवित्रा घेत सभागृहाचे कामकाज बंद पाडले जात आहे. त्या पार्श्वभूमीवर मोदी सरकारकडून विरोधकांची समजूत काढण्याचा प्रयत्न केला जात आहे. यासाठी संसदीय कामकाज राज्यमंत्री विजय गोएल हे स्वत: पुढाकार घेणार असून, प्रमुख विरोधी पक्षांच्या नेत्यांची त्यांच्या निवासस्थानी जाऊन भेट घेणार आहेत.

देशातील विविध मुद्दांवरून मोदी सरकारविरोधात विरोधकांमध्ये तीव्र नाराजी आहे. या नाराजीनुसारच विरोधकांकडून अविश्वास ठराव आणण्यासाठी जोरदार प्रयत्न केले जात आहेत. यासाठी लोकसभेत विरोधकांची मोट बांधण्याचे काम केले जात आहे. संसदेच्या अधिवेशाचे 14 दिवस कोणत्याही चर्चेविना गदारोळात गेले. त्यामुळे मोदी सरकारकडून यावर कडक पावले उचलली जात आहेत.

गोयल यांनी सांगितले, की ''विरोधक फक्त माध्यमांसमोर बोलत आहेत. मात्र, सभागृहात ते यावर कोणतेही भाष्य, चर्चा करत नाहीत. संसदेचे अधिवेशात प्रति मिनिटासाठी साधारणत: अडीच लाख रुपये खर्च केला जात आहे. विरोधकांनी त्यांचे प्रश्न, त्यांची मते मांडण्यासाठी सभागृहात यायला हवे, यावर चर्चा करावी. मी स्वत: काँग्रेस, द्रमुक, टीडीपी आणि टीआरएस या प्रमुख विरोधी पक्षांच्या नेत्यासोबत त्यांच्या निवासस्थानी जाऊन भेट घेणार आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com