Fact Check : कोरोनाच्या उपचारासाठी सरकारकडून चार हजार रूपये मिळणार का?

सध्या सोशल मीडियावर कोरोनाच्या फुकट उपचारासाठी सरकारकडून लोकांना चार हजार रूपये मिळणार असल्याचे वृत्त फिरत आहे. त्यावर सरकारने ट्विटरवर Fact Check पोस्ट करून ही बातमी खोटी असल्याचे म्हटले आहे.

Pib Fact Check या ट्विटरवर सरकारने ट्विट पोस्ट केले आहे. त्यानुसार केंद्र सरकारकडून अशी कोणतीही योजना सुरू नाही. अशा चुकीच्या वेबसाईटवर आपली वैयक्तिक माहिती टाकून आमिषाला बळी पडू नये, असे म्हटले आहे. गेल्या काही दिवसांपासून कोरोनाच्या उपचारासाठी सरकारकडून चार हजार रूपये मिळणार अशी माहिती व्हायरल होते आहे. त्यावर हे ट्विट करण्यात आले आहे.