नववर्षाच्या पुर्वसंध्येला मोदींचे भाषण!

Narendra Modi
Narendra Modi

नवी दिल्ली: पंतप्रधान नरेंद्र मोदी नववर्षाच्या पुर्वसंध्येला संपुर्ण देशाला संबोधित करणार आहेत. पंतप्रधान 31 तारखेला संध्याकाळी साडेसात वाजता देशातील नागरिकांशी संवाद साधताना एखादा मोठा निर्णय जाहीर करण्याची शक्यता सुत्रांकडून वर्तविण्यात येत आहे.

देशभरात नोटाबंदीच्या निर्णयानंतर निर्माण झालेल्या गदारोळानंतर हे भाषण महत्त्वाचे ठरणार आहे. याआधी 8 नोव्हेंबर रोजी पंतप्रधान नरेंद्र मोदींनी देशांतर्गत आर्थिक चलनातून पाचशे व हजारांच्या नोटा बाद झाल्याची अचानकपणे घोषणा केल्यानंतर संपुर्ण देश हादरला होता.

नागरिकांना आपल्या जवळ असलेल्या जुन्या नोटा जमा करण्यासाठी 30 डिसेंबरपर्यंत मुदत देण्यात आली होती. वैध चलनाचा तुटवडा निर्माण झाल्याने नागरिकांची गैरसोय झाली आहे. ती कमी व्हावी यासाठी केंद्र सरकार आणि रिझर्व्ह बँकेकडून जुन्या नोटांसंबंधी नियमांमध्ये वेळोवेळी बदल करण्यात आले. परंतु यामुळे केंद्र सरकारला देशातील काही घटकांच्या टीकेचा सामना करावा लागत आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com