'रोती जनता हँसता मोदी'ची जोरदार चर्चा

roti janta hasta modi trend on twitter
roti janta hasta modi trend on twitter

नवी दिल्ली- पंतप्रधान नरेंद्र मोदी यांनी पाचशे व हजार रुपयांच्या नोटांवर बंदी घातल्यानंतर देशातील नागरिक हवालदील झाले आहेत. 'रोती जनता हँसता मोदी' असा ट्रेण्ड ट्विटरवर टॉप टेन मध्ये आला असून, यावर जोरदार चर्चा सुरू असल्याचे पहायला मिळत आहे.

पाचशे व हजार रुपयांच्या नोटा चलनातून बंद करण्यात आल्याने व 30 डिसेंबरपर्यंतच या नोटा बदलून मिळणार आहेत. या नोटा बदलून घेण्यासाठी बँका, एटीएम व पोस्ट ऑफिसमध्ये नागरिकांची गर्दी उसळली आहे. उद्यापासून (ता. 18) दोन हजार रुपयांच्याच नोटा बदलून मिळणार आहेत. शिवाय, नोटा बदलून घेणाऱया व्यक्तीच्या उजव्या हाताच्या बोटाला शाई लावली जात आहे.

विविध बँका व एटीएमच्या रांगेत उभे राहिल्यामुळे आजपर्यंत 35 जणांचा मृत्यू झाला आहे. दैनंदिन जिवनात नागिरकांना अडचणींना सामोरे जावे लागत आहे. यामुळे ट्विटरवर 'रोती जनता हँसता मोदी' असा ट्रेण्ड आला आहे. या ट्रेण्डच्या माध्यमातून देशभरातील जनता चर्चा करत आहे. मोदी सरकारच्या निर्णयामुळे एटीएमच्या रांगेत उभे राहिलेल्या नागरिकांनी भारतीय जनता पक्षाच्या कार्यकर्त्यांकडून पाणी घेण्यास नकार दिल्याचा व्हिडिओ सोशल नेटवर्किंगवरून व्हायरल झाला आहे. शिवाय, विविध व्यंगचित्रेही फिरताना दिसत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com