"एलपीजी'च्या ऑनलाइन खरेदीवर 5 रुपये सवलत

नवी दिल्ली - पेट्रोल, डिझेलनंतर आता स्वयंपाकाचा गॅसची (एलपीजी) ऑनलाइन खरेदी केल्यास प्रति सिलिंडर पाच रुपये सवलत मिळणार आहे.

सरकारी मालकीच्या इंडियन ऑईल कॉर्पोरेशन (आयओसी), भारत पेट्रोलियम कॉर्पोरेशन लिमिटेड (बीपीसीएल) आणि हिंदुस्थान पेट्रोलियम कॉर्पोरेशन लिमिटेड (एचपीसीएल) या कंपन्या एलपीजी सिलिंडरची बुकिंग व खरेदी ऑनलाइन करणाऱ्या ग्राहकांना पाच रुपये सवलत देणार आहेत. कॅशलेस व्यवहारांना प्रोत्साहन देण्यासाठी सरकारकडून विविध पावले उचलण्यात येत आहेत. सरकारने तेल कंपन्यांना पेट्रोल आणि डिझेल कॅशलेस पद्धतीने भरल्यास 0.75 टक्के सवलत दिलेली आहे. आता स्वयंपाकाच्या गॅसवरही सवलत मिळणार आहे.