लष्कराच्या हल्ल्यात हिज्बुलचा 'स्कॉलर' दहशतवादी ठार

श्रीनगर : जम्मू-काश्मिरमधील हंदवाड्यात दहशतवादी व लष्करामध्ये झालेल्या चकमकीत दोन दहशतवाद्यांना ठार करण्यात यश आले आहे. शोपियाँ येथे झालेल्या चकमकीत दहशतवाद्यांनी केलेल्या हल्ल्यात एका नागरिकाचा मृत्यू झाला आहे. ठार केलेल्या दहशतवाद्यांपैकी एक हिज्बुल मुजाहिद्दीनचा कमांडर असल्याचे म्हणले जाते, पण या वृत्ताला पोलिसांनी अजून दुजोरा दिलेला नाही.

दहशतवादी हे हंदवाडा परिसरातील शाहगूंड या गावात लपून बसल्याची माहिती लष्कराला मिळाली होती. शोधकार्य सुरू केले असता दहशतवादी व जवानांमध्ये चकमक झाली. यात दोन दहशतवाद्यांना मारण्यात आले, तसेच चकमक झालेल्या ठिकाणी मोठ्या प्रमाणात शस्त्रसाठा सापडला, तो जप्त करण्यात आला. दोन मृत दहशतवाद्यांपैकी एक मन्नान बशीर वाणी हा अलिगढ मुस्लिम विद्यापीठात संशोधक होता. तसेच विद्यापीठाचा अतिशय हुशार विद्यार्थी होता. 

या दरम्यान शोपियाँमधील चकमकीत दहशतवाद्यांच्या हल्ल्यात एका नागरिकाचाही मृत्यू झाला आहे. या हल्ल्याची माहिती मिळताच जवान घटनास्थळी पोहोचले असल्याची माहिती कळते.