शशांक मनोहर यांचा आयसीसीच्या अध्यक्षपदाचा राजीनामा

सकाळ वृत्तसेवा
बुधवार, 15 मार्च 2017

आंतरराष्ट्रीय क्रिकेट परिषदेचे (आयसीसी) अध्यक्ष शशांक मनोहर यांनी आज (बुधवार) वैयक्तिक कारणामुळे अध्यक्षपदाचा राजीनामा दिला. 

नवी दिल्ली - आंतरराष्ट्रीय क्रिकेट परिषदेचे (आयसीसी) अध्यक्ष शशांक मनोहर यांनी आज (बुधवार) वैयक्तिक कारणामुळे अध्यक्षपदाचा राजीनामा दिला. 

शशांक मनोहर 2016 मध्ये आयसीसीच्या अध्यक्षपदी बिनविरोध निवडून आले होते. मे 2016 मध्ये बीसीसीआयच्या अध्यक्षपदाचा राजीनामा दिल्यानंतर शशांक मनोहर यांची आयसीसीचे पहिले स्वतंत्र अध्यक्ष म्हणून निवड झाली होती. 2016 मध्ये आयसीसीने बदललेल्या नियमानुसार कोणत्याही देशाच्या क्रिकेट नियामक मंडळाशी संबंधीत नसलेली व्यक्तीच आयसीसीचे अध्यक्ष बनू शकत होती. त्यामुळे शशांक मनोहर यांनी त्यावेळी बीसीसीआयच्या अध्यक्षपदाचा राजीनामा दिला होता.

मनोहर यांनी राजीनामा दिल्यानंतर लिहिलेल्या पत्रात म्हटले आहे, की मी माझ्यावतीने सर्वोत्तम कामगिरी करण्याचा प्रयत्न केला. सर्व सदस्यांना एकत्र घेऊन काही महत्त्वपूर्ण निर्णय घेण्यात आले.

 

Web Title: Shashank Manohar resigns as ICC chief