चेन्नई : तमिळनाडूच्या दिवगंत माजी मुख्यमंत्री जयललिता यांच्या आर के नगर येथील जागेवर पोटनिवडणुक होत आहे. या निवडणुकांसाठी मतदारांना पैसे वाटल्याचा आरोप तमिनाडूचे मंत्री विजयभास्कर आणि अभिनेते शरदकुमार यांच्यावर करण्यात येत आहेत. या पार्श्वभूमीवर आज (शुक्रवार) सकाळी प्राप्तिकर विभागाने या दोघांच्याही निवासस्थानी छापे टाकले आहेत.
येत्या 12 एप्रिल रोजी आर के नगर मतदारसंघासाठी मतदान होत आहे. दरम्यान सोशल मिडियाद्वारे राज्यात एक व्हिडिओ व्हायरल झाला आहे. या व्हिडिओमध्ये एआयडीएमकेच्या व्हीके शशिकला यांच्या उमेदवाराला मतदान करण्याचे आवाहन करत एक व्यक्ती मतदारांना पैसे देत असल्याचे दिसत आहे. एका खोलीत एक व्यक्ती शशिकला यांच्या निवडणुक चिन्हावर मतदान करण्याचे सांगत इतर तीन व्यक्तींना प्रत्येकी दोन हजाराच्या दोन नोटा देताना 45 सेकंदाच्या व्हिडिओमध्ये दिसत आहे. हे पैसे वाटण्यासाठी विजयभास्कर यांनी महत्वाची भूमिका बजावल्याचा आरोप करण्यात येत आहे.
या पार्श्वभूमीवर प्राप्तिकर विभागाने आज विजयबास्कर यांच्या निवासस्थानावर छापा टाकला. त्यांच्या आणि त्यांच्या सहकाऱ्यांच्या 34 ठिकाणच्या मालमत्तेवरही छापा टाकल्याची माहिती सूत्रांनी दिली आहे. याशिवाय अभिनेता शरदकुमार यांच्या निवासस्थानीही छापा टाकल्याचे वृत्त आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.