संघांच्या गुंडांना देश तोडू देणार नाही : तेजस्वी यादव

नवी दिल्ली : गुजरातमध्ये उत्तर भारतीयांविरोधातील भडकलेल्या हिंसेनंतर राजकीय वातावरण चांगले तापत आहे. त्यानंतर राजकीय आरोप-प्रत्यारोप केले जात आहे. या आरोप-प्रत्योरापानंतर आता बिहारचे माजी मंत्री आणि राष्ट्रीय जनता दलाचे नेते तेजस्वी यादव यांनी सांगितले, की ''संघांच्या गुंडांना देश तोडू देणार नाही''. 

गुजरातचे मुख्यमंत्री विजय रुपाणी यांनी टि्वट करुन सांगितले होते, की काँग्रेस पहिल्यांदा प्रवाशांना हिंसेसाठी डिवचते. त्यानंतर काँग्रेस अध्यक्ष हिंसेची निंदा करत ट्विट करतात. त्यामुळे काँग्रेस अध्यक्षांना यावर लाज वाटत नाही का? मुख्यमंत्र्यांनी आणखी एकावर ट्विटमध्ये सांगितले, की काँग्रेस पक्षाशी निगडित लोकांविरोधात कारवाई करणार का? असा सवालही त्यांनी केला.

त्यानंतर यावर तेजस्वी यादव यांनी ट्विट करून सांगितले, की ''श्री. मुख्यमंत्री तुम्ही विचार करणे सोडून दिले का? भारतीयांना प्रवासी म्हणण्याची तुमची हिंमत झालीच कशी? हे असे म्हणून तुम्ही असे बोलत इच्छिता का, एक प्रवासी उत्तर प्रदेशातून जिंकून पंतप्रधानपदी विराजमान झाले आहेत. त्यामुळे तुमच्या या वक्तव्यावर तुम्ही माफी मागावी. आम्ही गुजरातच्या राष्ट्रीय स्वयंसेवक संघातील गुंडांना देश तोडू देणार नाही''.