मला बोलू दिले तर भूकंप होईल: राहुल गांधी

मला बोलू दिले तर भूकंप होईल: राहुल गांधी
मला बोलू दिले तर भूकंप होईल: राहुल गांधी

नवी दिल्ली - "जर मला लोकसभेत बोलण्याची परवानगी दिली तर भूकंप होईल', असे वतव्य कॉंग्रेसचे उपाध्यक्ष राहुल गांधी यांनी केले आहे.

पाचशे आणि हजार रुपयांच्या नोटा बंद करण्याच्या निर्णयाला गुरुवारी एक महिना पूर्ण झाला. मात्र तरीही परिस्थिती सुधारली नसल्याची टीका करत विरोधी पक्षांनी गुरुवारी "काळा दिवस' पाळला. दरम्यान प्रसारमाध्यमांशी बोलताना आज (शुक्रवार) राहुल गांधी म्हणाले, "सरकार चर्चेपासून दूर पळत आहे. जर त्यांनी मला बोलण्याची परवानगी दिली तर भूकंप होईल. नोटाबंदी हा भारताच्या इतिहासातील सर्वांत मोठा गैरव्यवहार आहे. मला त्याबद्दल लोकसभेत बोलायचे आहे. मी तेथे सर्वकाही सांगेल. गेल्या महिनाभरापासून आम्ही नोटाबंदीवर चर्चा करण्याचा प्रयत्न करत आहोत.' तसेच "आम्हाला हा मुद्दा संपवून टाकायचा आहे' असेही गांधी पुढे म्हणाले.

दरम्यान आज सकाळीच भारतीय जनता पक्षाचे प्रवक्ते जी.व्ही.एल. नरसिंहा राव वृत्तसंस्थेशी बोलताना गांधींवर निशाणा साधला होता. ते म्हणाले, "दुसऱ्या पक्षाचे सोडा राहुल गांधींना कॉंग्रेसमध्येही कोणी गांभीर्याने घेत नाही. त्यांना केवळ इटलीची संस्कृती माहिती आहे भारताची नाही.'

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com