हिज्बुल मुजाहिदीनच्या 3 दहशतवाद्यांचा बडगाममध्ये खात्मा

हिज्बुल मुजाहिदीनच्या 3 दहशतवाद्यांचा बडगाममध्ये खात्मा

श्रीनगर : मध्य काश्मीरमधील बडगाम येथे मंगळवारी रात्री भारतीय फौजा आणि दहशतवाद्यांमध्ये चकमक झाली. यामध्ये भारतीय जवानांनी तीन दहशतवाद्यांना कंठस्नान घातले. अमरनाथ यात्रेसाठी जाणाऱ्या भाविकांवर दहशतवादी हल्ला झाल्यानंतर एक दिवसानंतरच ही चकमक झाली.

बडगाम येथील रेडबग भागात दहशतवादी असल्याची गोपनीय माहिती मिळाल्यावर भारतीय जवानांनी मंगळवारी रात्री या भागाला वेढा देऊन शोध मोहिम सुरू केली. मारण्यात आलेले दहशतवादी हिज्बुल मुजाहिदीन या संघटनेचे सदस्य होते. बडगाम भागामध्ये आणखी काही दहशतवादी लपले असल्याची माहिती लष्कराला मिळाली असून, त्या दहशतवाद्यांचा शोध अद्याप सुरू आहे. 

रात्रभर सुरू असलेली ही चकमक आज (बुधवार) सकाळी यशस्वीरीत्या संपली. तत्पूर्वी, अमरनाथ यात्रेला जाणाऱ्या भाविकांवर श्रीनगर येथे दहशतवाद्यांनी केलेल्या हल्ल्यात सहाजण मृत्युमुखी पडले होते, तर एकूण 19 लोक जखमी झाले होते. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com