विकासासाठी भाजपला बहुमत द्या - लालकृष्ण अडवानी
बिदर, ता. १७ - कर्नाटक हे देशातील विकसित राज्य होण्यासाठी भारतीय जनता पक्षाला पूर्ण बहुमत द्या, असे आवाहन भारतीय जनता पक्षाचे ज्येष्ठ नेते लालकृष्ण अडवानी केले.

उच्च शिक्षण क्षेत्र खुले करण्यास नकार - अर्जुनसिंह
नवी दिल्ली, ता. १७ - उच्च शिक्षणासाठी घेतलेल्या कर्जांना हमी देण्याचा विचार केंद्र सरकार करीत आहे, अशी माहिती केंद्रीय मनुष्यबळ विकास मंत्री अर्जुनसिंह यांनी आज दिली. त्याचबरोबर उच्च शिक्षणाचे क्षेत्र खुले करण्यासही त्यांनी विरोध दर्शविला.

भोंदू स्वामींवर कठोर कारवाई आवश्‍यक - अच्युतानंदन
तिरुअनंतपुरम, ता. १७ - समाजाला धोका निर्माण करणाऱ्या भोंदू स्वामींवर अतिशय कठोर कारवाई करणे गरजेचे आहे, असे मत केरळचे मुख्यमंत्री व्ही. एस. अच्युतानंदन यांनी व्यक्त केले.

भारत-नेपाळ संबंधांवर परिणाम नाही
काठमांडू, ता. १७ - भारत आणि नेपाळ यांच्यातील १९५० च्या कराराचा फेरआढावा घेतल्यास उभय देशांतील संबंधांवर कोणताही परिणाम होणार नाही; तसेच नव्या समझोत्यानंतरही दोन्ही देशांमध्ये संबंध दृढ आणि विशेष असावेत, अशी आमची इच्छा असल्याचे नेपाळमधील माओवादी नेते प्रचंड यांनी आज स्पष्ट केले.

"सिमी'च्या कार्यकर्त्याला जयपूर स्फोटप्रकरणी अटक
जयपूर, ता. १७ - जयपूरमध्ये मंगळवारी झालेल्या बॉंबस्फोटांमागे हात असल्याच्या संशयावरून आज सकाळी "स्टुडंट्‌स इस्लामिक मूव्हमेंट ऑफ इंडिया'च्या (सिमी) कार्यकर्त्यास पोलिसांनी अटक केली; तसेच राजस्थान पोलिसांनी आज आणखी तिघा संशयितांची रेखाचित्रे जारी केली.

उंदरांमुळे मिळणार मिझोरामला मदत
कोलकता, ता. १७ - उंदीर म्हणजे उपद्रवी हे समीकरण नवे नाही; पण या उंदरांच्या उपद्रवामुळे मिझोरामला अमेरिकेकडून तब्बल पन्नास हजार डॉलरची मदत मिळणार आहे!

गुजर समाजासाठी २८२ कोटींचे पॅकेज
जयपूर, ता. १७ - राजस्थानातील गुजरबहुल भागाच्या विकासासाठी राज्य सरकारने २८२ कोटी रुपयांचे पॅकेज जाहीर केले आहे.

सोनिया गांधींकडून करुणानिधींची चौकशी
चेन्नई, ता. १७ - कॉंग्रेसच्या अध्यक्षा सोनिया गांधी यांनी आज तमिळनाडूचे मुख्यमंत्री एम. करुणानिधी यांच्या प्रकृतीची चौकशी केली.

कॉंग्रेसचे सरकार अपयशी - अडवानी
हैदराबाद, ता. १७ - कॉंग्रेसप्रणीत संयुक्त पुरोगामी आघाडी सरकार सर्व आघाड्यांवर अपयशी ठरले असून, सरकारने "आम आदमी'चा विश्‍वासघात केल्याची टीका लोकसभेतील विरोधी पक्षनेते लालकृष्ण अडवानी यांनी केली आहे.

सीमा सुरक्षा दलाच्या जवानाची आत्महत्या
शिलॉंग, ता. १७ - सीमा सुरक्षा दलाच्या जवानाने आज गोळी झाडून घेऊन आज आत्महत्या केली. राम किशन असे या जवानाचे नाव असून, बांगलादेश सीमेवर त्याची नियुक्ती करण्यात आली होती.

गप्पा जातविरहित राजकारणाच्या; हिशेब मतपेढ्यांचा गुलबर्ग्यात चुरस
गुलबर्गा, ता. १७ - जातपातविरहित राजकारणाच्या गप्पा सर्वच राजकीय पक्षांचे नेते करीत असले, तरी निवडणुकांमध्ये जातीला फारच महत्त्व असल्याचे वेळोवेळी स्पष्ट झाले आहे.

संक्षिप्तवृत्त