'रोझरी'तर्फे पालकांना बैठकीचे आश्वासन
-
Wednesday, June 30, 2010 AT 01:08 AM (IST)
पुणे - शुल्कवाढ स्थगित करण्यासह पालकांच्या इतर मागण्यांबाबत पालक व व्यवस्थापन यांची एकत्रित बैठक येत्या सात दिवसांत घेण्यात येईल, असे आश्वासन कॅम्पमधील रोझरी शाळेतर्फे पालकांना मंगळवारी देण्यात आले. या शाळेतील पालकांतर्फे पालक संघ स्थापन करण्यात आला आहे. या संघाने शाळेच्या मुख्याध्यापिका उषा परेरा, तसेच पुणे विभागीय शिक्षण उपसंचालक सुनील मगर यांना निवेदन दिले. या मागणीचे निवेदन राज्यपाल, मुख्यमंत्री यांच्यासह सर्वांना पाठविण्यात आले आहे.