 |
|
Update:
|
|
|
|
|
|
सालेमच्या हिरोगिरीमुळेच डोसा बनला व्हिलन
सकाळ वृत्तसेवा
Friday, July 30, 2010 AT 12:30 AM (IST)
संजय मिस्कीन - सकाळ वृत्तसेवा मुंबई - ऑर्थर रोड कारागृहात अबू सालेमवर झालेला हल्ला हा त्याच्या तुरुंगातील हिरोगिरीमुळेच झाला असून, प्लॅस्टिक सर्जरीमुळे चिकण्या बनलेल्या सालेमचा चेहरा कायमचा विद्रुप करण्याचा गेमच डोसाने आखला होता, अशी माहिती समोर आली आहे. एकाच कारागृहात राहणाऱ्या आणि एकाच गॅंगमध्ये रूळलेल्या मुंबई बॉम्बस्फोटातील या दोन खलनायकांमध्ये, हल्ल्याच्या दिवशी सालेम हिरो, तर डोसा व्हिलन बनला होता. महंमद डोसा याला तुरुंगात असतानाही नशा करण्याची सवय आहे. तो चरसची नशा करतो. यामुळे कायम धुंदीत असणारा डोसा रात्री-अपरात्री मोठमोठ्याने ओरडतो, तर कधी बेधुंद होऊन जुन्या चित्रपटातील गाणी मोठ्या आवाजात म्हणतो. त्यामुळे सालेमच्या झोपेचा खोळंबा होत असे. डोसाच्या आरडाओरड्याने झोप पूर्ण होत नव्हती. त्यामुळे तुरुंगाधिकाऱ्याकडे सालेमने याबाबत तक्रारही केली. सालेमच्या या तक्रारीवरून अधिकाऱ्यांनी डोसाला बजावले; मात्र डोसाभाईचा तोरा कमी झाला नाही. डोसाच्या स्वभावात काहीही बदल होत नसल्याचे निदर्शनास आल्यानंतर सालेमने तुरुंगांधिकाऱ्यांना त्याला तेथून हलवा; अन्यथा मला तरी हलवा, अशी निर्वाणीची तक्रार केल्यानंतर अधिकाऱ्यांनी डोसाला अंतिम तंबी दिली होती. यामुळे डोसाभाईचा राग अनावर झाला होता. सालेमला जाब विचारून खुन्नस काढण्याची जिद्द डोसाभाईने पक्की केली. डोसाने चमच्याला धारदार करीत, सालेमच्या हिरोगिरीवर हल्ला करण्याचा बेत आखला. दुसऱ्या दिवशी सालेम समोर आला त्या वेळी "क्यारे, चिकणे खुद को हिरो समझता हैं क्या, अब तेरा चिकनापन बदल देता हूँ,' अशी सरळपट्टी देत हातातील धारदार चमच्याने सालेमच्या चेहऱ्यावर हल्लाबोल केला. डोसाने चेहऱ्यावर हल्ला करण्यामागे तंत्र होते, असा निष्कर्ष पोलिस अधिकाऱ्यांनी काढला आहे. सालेमने चेहऱ्यावर अनेक वेळा प्लॅस्टिक सर्जरी केल्यामुळे त्याचा चेहरा सुंदर झाला आहे. प्लॅस्टिक सर्जरीच्या चेहऱ्यावर वार केल्यास तो भरून निघत नाही. त्यामुळेच डोसाने सालेमच्या चिकण्या चेहऱ्याला टार्गेट केल्याची माहिती सूत्रांनी दिली.  Follow Us on |
संबंधित बातम्या
|
||
|
प्रतिक्रिया
On 8/19/2010 5:01 PM sham dixit said:
मी रोज इंतेरनेत वर पपेर पाहतो. सौदी अरब व india मधील फरक मणजे इकडे लाच थोड्कायत भिक चालत नाही व आपल्ल्या इंडिया मध्ये ती भिक चालते.हि भिक जो पर्यंत बंद होत नाही हे असेच चालणार. आपण फक्त मोठ्या गोष्टी करत राहणार. आणि हे असेच पाहत,पपेर वाचत, news पाहत काही न करता राहणार.
On 7/30/2010 2:18 PM अतुल जोशी said:
हे चित्रपटातील संवाद आहेत कि काय? पोलिसांचे अपयश झाकण्याचा हा केविलवाणा प्रयत्न....एवढे सगळे होईपर्यंत पोलीस काय गोट्या खेळत होते?
On 7/30/2010 9:51 AM 2 nambari vyaavasaayik said:
त्या police अधिकार्यांची नावे सकाळने जाहीर करावी, कि ज्या अशा सुविधा तुरुंगासाराख्या ठिकाणी उपलब्ध करून, तेथे राहणार्यांची उत्तम बडदास्त ठेवतात. मी सध्या एक lodging boarding उभारत आहे. त्यांना माझ्याकडे चांगल्या पगारावर ठेवून घ्यायची इच्चा आहे.
On 7/30/2010 8:29 AM the_text said:
"महंमद डोसा याला तुरुंगात असतानाही नशा करण्याची सवय आहे. तो चरसची नशा करतो" वा म्हणजे तुरुंगात या सुविधा मिळतात......
On 7/30/2010 6:27 AM sunny LA said:
Nice comments! good luck sarandeeppji, Mi Suddha America sodun bhartat yete, jar itkya soee-suvidha jail madhe milnar astil tar.....kashala ameriket itke hard work karayache...dosa ani salem sarkhe dadagiri/khoooon karayache....ani mug 7star jail madhe rahayche...dasa ahech june ganechi karmnuk karayla. hahhahhhhhhhhha!
On 30/07/2010 04:14 DK said:
हे जेलमधेच आहेत का...................
On 7/30/2010 1:35 AM raju said:
"महंमद डोसा याला तुरुंगात असतानाही नशा करण्याची सवय आहे. तो चरसची नशा करतो"
वा म्हणजे तुरुंगात या सुविधा मिळतात......
On 7/30/2010 1:29 AM a said:
महंमद डोसा याला तुरुंगात असतानाही नशा करण्याची सवय आहे. तो चरसची नशा करतो - जेल मधले पोलीस काय झोपा काढतात ??
On 7/30/2010 1:07 AM Jumman Mia said:
dosa ko drugs kaha se milte hai? Salem, Police aur Dosa sab sale chor hai.
On 30/07/2010 00:57 Sarandeepsing said:
मला पण जेल मधेच राहायचा जर इतक्या सगळ्या सुविधा भेटत असतील तर शिकायचा कशाला म्हणतो मी?? करिअर म्हणून Underworld निवडायला हरकत नाही. उगीच पालक अकरावी प्रवेशाची चिंता करीत आहेत.शेवटी करिअर म्हणजे काय तर सुखाचे आणि हक्काचे चार घास नियमित मिळणे. आणि जेल मध्ये तर ह्याहून जास्त सुविधा आहेत.
|
|||
| Advertise With Us | About Us | Contact Us | RSS Feeds | Archives | Group Site | SakaalTimes | Subscribe | एग्रोवन | साप्ताहिक सकाळ | Work with Us |
© Copyrights 2009 eSakal.com - All rights reserved.
of
Powered By: