 |
 |
|
Update:
|
|
|
|
|
|
दाखल्यांसाठी पुण्यात विशेष मोहीम
ज्ञानेश्वर बिजले
Tuesday, September 07, 2010 AT 06:00 AM (IST)
दहावी ते बारावीच्या विद्यार्थ्यांना पुढील वर्षी शैक्षणिक प्रवेशासाठी आवश्यक असलेले जातीचे दाखले व अधिवास दाखले त्यांच्या शाळेतच देण्यासाठी जिल्हाधिकारी कार्यालयातील यंत्रणा येत्या पंधरवड्यात शाळा व महाविद्यालयांच्या मदतीने मोहीम राबविणार आहे. शाळांच्या मुख्याध्यापकांची बैठक ७ ते ९ सप्टेंबरला होत असून, त्यानंतर शाळांमध्ये विद्यार्थ्यांना अर्जाचे वाटप केले जाईल.
विद्यार्थी व शाळा पुणे महापालिका - ३९५ शाळा पिंपरी-चिंचवड महापालिका - १६५ शाळा विद्यार्थ्यांच्या दाखल्यांची संख्या - सुमारे एक लाख शिक्षकांनी काय करावे?  विद्यार्थ्यांकडून भरलेले अर्ज कागदपत्रांसह जमा करावेत.अर्जासोबत कोणती कागदपत्रे जोडायची, त्याची माहिती विद्यार्थ्यांना सांगावी.अर्जासोबत सर्व कागदपत्रे जोडल्याची खात्री करावी.विद्यार्थी व पालकांनी काय करावे? अर्जासोबत आवश्यक ती सर्व कागदपत्रे जोडावीत.अर्जात त्रुटी असल्यास त्याची तातडीने पूर्तता करावी.नागरिक सुविधा केंद्रातून प्रतिज्ञापत्र करून घ्यावे.सरकारी यंत्रणा काय करणार? शाळांच्या मुख्याध्यापकांकडे अर्ज देणार.विद्यार्थ्यांचे अर्ज शाळेतच तपासणार.अर्जात त्रुटी असल्यास ते पुन्हा भरून घेणार.व्यवस्थित भरलेल्या अर्जाचे दाखले विद्यार्थ्यांना शाळेत देणार.यंत्रणेची कार्यपद्धती मुख्याध्यापकांची बैठक - सात ते नऊ सप्टेंबरअर्जांचे विद्यार्थ्यांना वाटपसरकारी कर्मचारी २० ते २५ सप्टेंबरला शाळेत अर्ज तपासणारत्रुटी असलेले अर्ज पुन्हा भरून घेणारदाखल्यांचे शाळांमध्ये वाटपकनिष्ठ महाविद्यालयांची लवकरच बैठक अधिवास दाखल्यासाठी हे करा १) दहा रुपयांचा कोर्ट फी स्टॅम्प लावलेला अर्ज २) गावात सलग दहा वर्षे राहत असल्याचा पुरावा- तलाठ्याचा दाखला, मालमत्ता कराच्या पावत्या, वीजदेयके, सात-बारा उतारा, महापालिकेकडील फोटो पास, भाडेकरार ( गेल्या दहा वर्षांतील प्रत्येक वर्षाचा एक पुरावा सादर करावा) ३) महाराष्ट्रात सलग दहा वर्षे राहत असल्याचे पालकांचे प्रतिज्ञापत्र ४) अर्जदार व अर्जदारांचे वडील यांचा शाळा सोडल्याचा दाखला (ज्यामध्ये जन्मस्थळाचे ठिकाण व जन्मतारीख आवश्यक), किंवा जन्मतारखेचा दाखला, किंवा शाळेचे बोनाफाइड सर्टिफिकेट ५) अर्जदार परराज्यातील असल्यास २० वर्षांपासून महाराष्ट्रातील वास्तव्याबाबत महसुली पुरावा (मालमत्तेचे कार्ड, सात-बाराचा उतारा, खरेदी खत, कर पावत्या) सादर करणे आवश्यक, परराज्यातील अधिवास सोडल्याबद्दलचे १०० रुपयांच्या स्टॅम्पपेपरवर केलेले प्रतिज्ञापत्र ६) अर्जदार किंवा त्याच्या वडिलांचे जन्मस्थळ परदेशातील असल्यास त्यांच्या पासपोर्टच्या छायांकित प्रती कुठे होईल प्रतिज्ञापत्र? जिल्हाधिकारी कार्यालयातर्फे पिंपरी व पुणे येथे चार ठिकाणी असलेल्या नागरिक सुविधा केंद्रांवर प्रतिज्ञापत्र करण्याची सुविधा. या योजनेतील प्रतिज्ञापत्रासाठी केंद्रावर स्वतंत्र रांग. तेथे प्रतिज्ञापत्राचा आराखडा उपलब्ध, छायाचित्र घेण्याची सोय. आर्थिकदृष्ट्या स्वस्त. बाहेरून केलेले प्रतिज्ञापत्रही स्वीकारणार. आवश्यकता भासल्यास रविवारीही नागरिक सुविधा केंद्र सुरू ठेवण्याचा विचार. योजना कशासाठी? शैक्षणिक प्रवेशासाठी जून-जुलैमध्ये नागरिक सुविधा केंद्रांवर रोज दोन ते अडीच हजार विद्यार्थी अर्ज करतात. एवढे दाखले देण्याचा ताण सरकारी यंत्रणेवर पडतो. अर्जात त्रुटी राहिल्यास आवश्यक कागदपत्रे गोळा करण्यासाठी पालकांना अपुरा वेळ मिळतो. या योजनेमुळे शाळेतच दाखला मिळणार. सरकारी यंत्रणांनाही नियोजन करून दाखले देता येतील. दाखला न मिळाल्यास अर्जातील त्रुटी दूर करण्यासाठी विद्यार्थ्यांना एकदा संधी मिळणार. त्या वेळीही अपुऱ्या कागदपत्रांमुळे दाखला न मिळाल्यास शाळेऐवजी नागरिक सुविधा केंद्रात अर्ज करून वर्षभरात केव्हाही दाखला मिळू शकेल. |
संबंधित बातम्या
|
||
|
प्रतिक्रिया
On 9/7/2010 10:04 AM Harshad said:
ही अतिशय उत्तम कल्पना आहे. ह्यामुळे विद्यार्थी आणि पालकांची रिझल्ट नंतर होणारी धावपळ कमी होईल. माझ्या मेडिकल च्या प्रवेशाच्या वेळी डोमिसिल नसल्यामुळे मोठी पंचाईत झाली होती. त्यामुळे कुठेही प्रवेश घेता येणार नव्हता परंतु पुढील फेरी साठी लागणारा स्टेन्ड बाय चा पर्याय घेण्यासाठी देखील त्या डोमिसिल लागत होतं. स्टेन्ड बाय च्या पर्यायासाठी मला २ वेळा मुंबईला चक्कर मारावी लागली होती. निदान अशी उगाचच कोणाची धावपळ होणार नाही.
On 9/7/2010 9:34 AM vikas katakdhond said:
सदरची कल्पना चांगली आहे. काही पालक पूर्वीच दाखले काढले असतील ते पाहून मुलांना अर्ज वाटप करावे म्हणजे यंत्रणाचे तेवढे काम कमी होईल.
On 9/7/2010 9:18 AM Nehul said:
खूपच सुंदर कल्पना आहे. त्यामुळे मुलांचा आणि पालकांचा वेळ पैसा वाचेल आणि मनस्ताप सुद्धा होणार नाही. हार्दिक शुभेच्चा.
On 9/7/2010 8:49 AM sasonkar yardena israel said:
अर्जातील त्रुटी दूर करण्यासाठी विद्यार्थ्यांना एकदा संधी मिळणार. अतिशय चांगला उपक्रम आहे. संगणकाचा वापर अधिक करावा.
|
|||
| Advertise With Us | About Us | Contact Us | RSS Feeds | Archives | Group Site | SakaalTimes | Subscribe | एग्रोवन | साप्ताहिक सकाळ | Work with Us |
© Copyrights 2009 eSakal.com - All rights reserved.
of
Powered By: