नावडतं बीटही आवडू लागेल; जाणून घ्या 'ही' रेसिपी

बीट हे कंदमुळ असल्याने ते शरिराला अधिक पौष्टिक असते.
food recipe
food recipesakal

प्रत्येकाला पौष्टिक अन्न खायला आवडतं मात्र अनेकदा नेमकं काय पौष्टीक खावं, हा प्रश्न पडतो. मात्र आज आम्ही तुम्हाला असा पदार्थ सांगणार आहोत जो अत्यंत पौष्टीक आणि तुमच्या आरोग्यासाठी उत्तम आहे. (try super healthy breakfast check recipe of beet thalipeeth)

पावसाळा सुरु झाला की बाजारात मस्त बीट यायला सुरुवात होते. बीट हे कंदमुळ असल्याने ते शरिराला अधिक पौष्टिक असते. त्यामुळे आज आम्ही तुम्हाला बीटाचे थालीपीठ सांगणार आहोत. चला तर मग बघू या की कसे तयार करायचे बीटाचे थालीपीठ..

food recipe
मोमोज खायला आवडते? मग एम्सने दिलेला हा इशारा वाचा

बीटचे थालीपीठ बनवण्यासाठी लागणारे साहित्य

1) बीट-दोन

2) गव्हाचे पीठ -एक वाटी

3) बाजरी पीठ -एक वाटी

4) ज्वारी पीठ - एक वाटी

5) बेसन पीठ – दोन चमचे

6) दोन छोटे चमचे रवा

7) एक चमचा शेंगदाण्याचा कूट

8) आलं लसूण हिरवी मिरची पेस्ट १ चमचा (आवडीनुसार कमी जास्त हिरवी मिरची टाकणे )

9) कोथिंबीर

10) मीठ,तेल

11) एक कांदा

food recipe
मोमोज खाल्ल्याने एकाचा मृत्यू, AIIMS च्या तज्ज्ञांनी दिला इशारा

बीटचे थालीपीठ बनवण्याची कृती

  • सर्वप्रथम आपण १ वाटी गहू पीठ,१ वाटी बाजरी पीठ ,१ वाटी ज्वारी पीठ ,२ चमचे बेसन पीठ ,२ चमचे रवा ,१ चमचा शेंगदाण्याचा कूट हे सर्व एकत्र घेऊया.

  • त्यानंतर आपण या मिश्रणात बारीक चिरलेला कांदा टाकू ,त्यानंतर आलं लसूण हिरवी मिरची पेस्ट टाकू तसेच कोथिंबीर आणि मीठ चवीनुसार टाकुन हे पिठ चांगल एकत्र करुन घेऊ या.

  • सगळ्यात शेवटी दोन बीट स्वच्छ धुवून नंतर किसनीने किसून आपण हा बीटाचा किस वरील मिश्रणात टाकूया आणि हे सर्व मळून घेऊ हे गरजेनुसार पाणी टाकुन हे पिठ भिजवुन घ्या .

  • नंतर गॅस वर तवा ठेवावा व थोडे तेल पूर्ण तव्यावर पसरावे नंतर पाणी हाताला लावून थालीपीठ मिश्रणाचा गोळा घेऊन तो तव्यावर थापावा दोन्ही बाजूने ते लालसर होईपर्यंत भाजुन घ्यावा.

  • तुम्ही रुमाल ओला करून त्यावर थालीपीठ मिश्रणाचा गोळा घेऊन तो थापून मग तव्यावर थालीपीठ असणारी बाजू तव्यावर टाकावी व अलगद रुमाल दोन्ही हातांनी काढून घेऊ.

  • दोन्हीपैकी जी पद्धत तुम्हाला सोपी वाटेल ती वापरून तुम्ही थालीपीठ करु शकता.

  • तुम्ही हे बीटचे थालीपीठ दही, लोणचे किंवा तिळाची चरणी यासोबत खाऊ शकता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com