गुरुजी तालीम गणपती मंडळाच्या 'या' आहेत पाच खास गोष्टी

सकाळ वृत्तसेवा
बुधवार, 12 सप्टेंबर 2018

गुरुजी मेळे म्हणून ते प्रसिध्द होते. अशाच एका मेळ्यातील तालमीत सुरु झालेल्या या मंडळाचे नाव गुरुजी तालीम असे पडले.

  • 1887 साली म्हणजे स्वातंत्र्यपुर्व काळात गुरुजी तालीम गणपती मंडळाची स्थापना झाली. त्या काळात विविध मेळे आयोजित केले जात होते. गुरुजी मेळे म्हणून ते प्रसिध्द होते. अशाच एका मेळ्यातील तालमीत सुरु झालेल्या या मंडळाचे नाव गुरुजी तालीम असे पडले.
     
  • सभासद आणि कार्यकर्त्यांनी जमविलेल्या निधीचे पैसे सामाजिक कार्यासाठीही वापरले जातात. दर वर्षी एक नवीन संकल्पना घेऊन जनजागृती केली जाते. यंदा ‘इंधन वाचवा’ या संकल्पनेबाबत जनजागृती केली जाणार आहे.
     
  • पुण्यात ढोल ताशा पथकांची सुरवात या मंडळाने केली. विमलाबाई गरवारे शाळेचे मुलींचे पहिले पथकही प्रथम याच गुरुजी तालीमच्या मिरवणुकीत सहभागी झाले होते. गेली 35 वर्षे ज्ञानप्रबोधिनी आणि विमलाबाई गरवारे शाळेचे मुलींचे पथक या मंडळाच्या मिरवणुकीत सहभागी होत आहे. 
     
  • पर्यावरणपूरक गणशोत्सवासाठीही मंडळाने पुढाकार घेतला आहे. गेली 3 वर्षे गणेशमूर्तीचे विसर्जन नदीत न करता हौदात केले जाते.
     
  • शतक महोत्सव साजरं करणारं हे पुण्यातलं हे पहिलं गणपती मंडळ आहे. विसर्जन मिरवणुकीत पहिल्यांदा गुलाल उधळणारं मंडळ अशी त्याची ख्याती आहे. 
Web Title: These are five special things of Guruji Talim Ganapati Mandal