पाकिस्तानशी आमची मैत्री अभंग राहिल: चीन

वृत्तसंस्था
गुरुवार, 22 सप्टेंबर 2016

न्यूयॉर्क - चीन व पाकिस्तान या दोन देशांनी कायमच एकमेकांना पाठिंबा दर्शविला असून ही द्विपक्षीय मैत्री अतूट असल्याचे चीनचे पंतप्रधान ली कशियांग यांनी पाकिस्तानचे पंतप्रधान नवाझ शरीफ यांना आज (गुरुवार) सांगितले. संयुक्‍त राष्ट्रसंघाच्या आमसभेच्या पार्श्‍वभूमीवर या दोन्ही नेत्यांमध्ये झालेल्या चर्चेमध्ये ली यांनी पाकिस्तानला आश्‍वस्त केल्याचे वृत्त शिन्हुआ या चीनमधील सरकारी मालकीच्या वृत्तसंस्थेने दिले आहे.

न्यूयॉर्क - चीन व पाकिस्तान या दोन देशांनी कायमच एकमेकांना पाठिंबा दर्शविला असून ही द्विपक्षीय मैत्री अतूट असल्याचे चीनचे पंतप्रधान ली कशियांग यांनी पाकिस्तानचे पंतप्रधान नवाझ शरीफ यांना आज (गुरुवार) सांगितले. संयुक्‍त राष्ट्रसंघाच्या आमसभेच्या पार्श्‍वभूमीवर या दोन्ही नेत्यांमध्ये झालेल्या चर्चेमध्ये ली यांनी पाकिस्तानला आश्‍वस्त केल्याचे वृत्त शिन्हुआ या चीनमधील सरकारी मालकीच्या वृत्तसंस्थेने दिले आहे.

पाकिस्तानबरोबरील सर्व क्षेत्रांमधील सहकार्य अधिक विकसित करण्यास चीन तयार असल्याचे ली यांनी सांगितले. चीन-पाकिस्तान आर्थिक क्षेत्र (कॉरिडॉर) विकसित करण्यासाठी ग्वदार बंदराच्या विकासाची प्रक्रिया गतिमान करण्याबरोबरच इतरही विकासकार्यांना गती देण्याचे आवाहन त्यांनी यावेळी शरीफ यांना केले. 

जम्मु काश्‍मीर राज्यामधील उरी येथे झालेल्या दहशतवादी हल्ल्याच्या पार्श्‍वभूमीवर चीनकडून पाकिस्तानला देण्यात आलेला हा निर्वाळा अत्यंत संवेदनशील मानण्यात येत आहे. मात्र दोन्ही नेत्यांच्या या बैठकीत काश्‍मीर वा उरी हल्ल्यासंदर्भातील कोणताही नेमका उल्लेख करण्यात आला नसल्याचे शिन्हुआच्या वृत्तामधून निष्पन्न झाले आहे. 

Web Title: Li Keqiang says China-Pak friendship unbreakable but