अफगाणिस्तानात पाकने राजकीय कौशल्य वापरावे : मॅकमास्टर 

Terror
Terror

न्यूयॉर्क- अफगाणिस्तानातील दहशतवादी गटांवर कारवाई करताना पाकिस्तानकडून भेदभाव होत असून, पाकिस्तानने आपला हेतू साध्य करण्यासाठी छुप्या नीतीऐवजी राजकीय कौशल्याचा वापर करावा, असे प्रतिपादन अमेरिकेच्या राष्ट्रीय सुरक्षा समितीचे सल्लागार लेफ्टनंट जनरल एच. आर. मॅकमास्टर यांनी केले. 

अफगाणिस्तानातील एका वृत्तवाहिनीला दिलेल्या मुलाखतीत ते बोलत होते. पाक तालिबानी दहशतवाद्यांना अभय देऊन इतर दहशतवादी गटांवर कारवाया करत आहे. ही बाब पाकिस्तानी नेत्यांनी लक्षात घ्यावी, अशी अपेक्षा सर्वांना अनेक वर्षांपासून आहे. पाकने अफगाणिस्तान किंवा अन्य कोणत्या देशाशी निगडीत हेतू साध्य करण्यासाठी दहशतवादी गटांना छुपा पाठिंबा देणे थांबवून त्यासाठी आपले राजनैतिक कौशल्य वापरावे, असे मॅकमास्टर यांनी आपल्या अफगाणिस्तान दौऱ्यात म्हटले होते. 

याबाबत टाइम्सने दिलेल्या एका वृत्तात पाकचे समर्थन असलेल्या दहशतवादी गटांकडूनच अफगाणिस्तानला खरा धोका असून, अमेरिकेकडून पाकला मिळणारी मित्रत्वाची वागणूक बंद होणे महत्त्वाचे असल्याचे नमूद होते. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com