काबूलमध्ये आत्मघातकी हल्ल्यात 24 मृत्युमुखी; 40 जखमी

काबूल : अफगाणिस्तानची राजधानी काबूलच्या पश्चिम भागामध्ये एका आत्मघातकी हल्लेखोराने कार बॉम्बचा स्फोट घडवून आणला. त्यामध्ये 24 लोकांचा मृत्यू झाला, तर इतर चाळीसहून अधिक लोक जखमी झाले. 

या बॉम्बस्फोटात मृत्युमुखी पडलेल्यांची संख्या आणखी वाढण्याची शक्यता आहे. हा हल्ला नेमका कोणावर करायचा होता ते लक्ष्य अद्याप स्पष्ट झालेले नाही, असे पोलिसांनी वृत्तसंस्थेला सांगितले. 

या स्फोटात मोठी जीवितहानी झाल्याची भीती व्यक्त करण्यात येत आहे. हजारा समुदायाचे नेते मोहंमद मोहकिक यांच्यासह अनेक महत्त्वाचे अफगाण नेते पश्चिम काबूलमध्ये राहतात. स्थानिक पोलिसांनी या परिसराला वेढा दिला आहे. या प्रांतात सातत्याने आत्मघातकी हल्ले होत आहेत. मागील महिन्यातील एका हल्ल्यात प्रमुख शिया मुस्लिम मौलवी रमझान हुसेनजादा मारले गेले. ते हजारा समुदायाचे नेते होते. या वर्षाच्या पहिल्या सहामाहीमध्येच अशा हल्ल्यांमध्ये 1662 लोकांचे बळी गेले आहेत. 

ई सकाळवरील इतर महत्त्वाच्या बातम्या : 

• ज्येष्ठ शास्त्रज्ञ व इस्रोचे माजी अध्यक्ष यू.आर. राव यांचे निधन
• 'वाइबो'च्या ड्रॅगनचे ना फूत्कार, ना ज्वाळा! 
• हिंदू चूप बसतील असा विचार करू नका: सुब्रह्मण्यम स्वामी​
• ‘राग देश’ चित्रपट २८ ला रूपेरी पडद्यावर
• कर्जमाफीसाठी राज्य सरकार सज्ज - मुख्यमंत्री
• सरसकट कर्जमाफीचाच विरोधकांचा आग्रह 
• व्रतवैकल्यांचा महिना...
• मुख्यमंत्र्यांचे पिंपरी-चिंचवडकडे विशेष लक्ष
• महापालिकेच्या रुग्णालयांसाठी आठ कोटींची औषध खरेदी 
• स्वाईन फ्लूचे शहरात ५४ रुग्ण
• पंचगंगेचा "पिकनिक पॉईंट' हाऊसफुल्ल 
• टेम्पो भरून चला पिक्‍चरला...!