बांगलादेशात पाच दहशतवाद्यांना फाशीची शिक्षा

बांगलादेशात पाच दहशतवाद्यांना फाशीची शिक्षा

ढाका: बांगलादेशातील बंदी असलेली दहशतवादी संघटना जेएमबीच्या पाच दहशतवाद्यांना आज एका जपानी व्यक्तीच्या हत्येप्रकरणी फाशीची शिक्षा सुनावली.

रंगपूरच्या एका न्यायालयाने जमातुल मुजाहिदीन बांगलादेश (जेएमबी) च्या पाच दहशतवाद्यांना फाशीची शिक्षा देण्याचे आदेश दिले. याप्रकरणी न्यायालयाने दोन आरोपींविरुद्ध गुन्हा सिद्ध न झाल्याने त्यांची मुक्तता केली.

मे 2015 मध्ये बांगलादेशमध्ये आलेले कुनिओ होशी या जपानी नागरिकाची तीन ऑक्‍टोबर रोजी गोळी झाडून हत्या केली होती. त्यांनी रंगपूरच्या परिसरात शेती विकसित केली होती. होशी यांनी इस्लाम धर्म स्वीकारला होता. याप्रकरणी जेएमबीच्या आठ दहशतवाद्यांविरुद्ध गुन्हा दाखल झाला होता. त्यातील पाच जण तुरुंगात असून दोघांचा रंगपूरच्या तुरुंगात चकमकीत मृत्यू झाला होता. या प्रकरणातील अन्य दहशतवाद्यांना अजूनही अटक झालेली नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com