युक्रेनमधील बाल रूग्णालयावर रशियाचा हल्ला, तिघांचा मृत्यू, १७ जखमी

रशिया युक्रेनदरम्यान युद्ध चालू आहे. या युद्धाचे सर्वात जास्त परिणाम युक्रेनला भोगावे लागत आहेत. बुधवारी रशियन सैनिकांनी हवाई हल्ला कूरून बंदर शहरातील मारियुपोलमधील प्रसूती रुग्णालयाची नासधूस केली. या हल्ल्यात १७ जण जखमी झाले आहेत.तर नवजात बालकांसह तिघांचा मृत्यू झाला आहे.

हा हवाई हल्ला झाल्यानंतर युक्रेनचे राष्ट्राध्यक्ष झेलिंस्की यांनी ट्विट केले आहे. त्यात ते म्हणाले, “मारियुपोलीत प्रसूती रुग्णालयात रशियन सैन्याने हल्ला केला आहे. तेथे अनेक महिला, मुले ढिगाऱ्याखाली आहेत. हत्या थांबवा! तुमच्याकडे सामर्थ्य आहे पण तुम्ही माणुसकी गमावत आहात, असेही त्यांनी म्हटले.

दरम्यान, युक्रेनचे उपपंतप्रधान इरिना वेरेश्चुक यांनी सांगितले की, रशियन सशस्त्र दलांनी बुधवारी स्थानिक वेळेनुसार सकाळी ९ ते रात्री ९ वाजेपर्यंत (सकाळी ७ ते सायंकाळी ७ GMT) कॉरिडॉरवर गोळीबार करण्याचे मान्य केले आहे.