भविष्य

मेष:
एकमेकांची मने जपण्याचा प्रयत्न करावा. गृहसौख्याला प्राधान्य द्यावे.
वृषभ:
भागीदाराशी सलोखा वाढेल. दिवस मजेत जाईल.
मिथुन:
कामाच्या बाबतीत चोख राहावे. हितशत्रूंच्या कारवायांवर लक्ष ठेवावे.
कर्क:
प्रेमसंबंध वृद्धींगत होतील. एकमेकांची मनापासून काळजी घ्याल.
सिंह:
घरकामात लक्ष घालाल. फावल्या वेळेतील कामे काढाल.
कन्या:
नवीन काम करण्याचा उत्साह जाणवेल. दृष्टिकोन बदलावा.
तूळ:
भावंडांना मदत कराल. वाढत्या खर्चाला आवर घालावी.
वृश्चिक:
मनाजोग्या घडलेल्या गोष्टी सर्वात मोठा आनंद देणाऱ्या असतील.
धनु:
अति भावनाशील होऊ नका. मनात सामाजिक भावना जागृत ठेवावी.
मकर:
पित्तप्रकृती असणाऱ्यांनी काळजी घ्यावी. भडक प्रतिक्रिया देऊ नका.
कुंभ:
कामात चालढकल करू नये. मित्रांसमवेत फिरायला जाल.
मीन:
इतरांवर तुमच्यातील प्रेमळपणाची छाप पडेल. प्रेमसंबंध जपावेत.
रविवार, जून 24, 2018 ते शनिवार, जून 30, 2018
मेष:
सीमारेषा सांभाळाव्यात! सप्ताहात राश्‍याधिपती वक्री होईल. ग्रहांचा पट एक प्रकारच्या शक्तिप्रदर्शनाचा. ता. 27 जून व 28 जून हे पौर्णिमेचं प्रभावक्षेत्र अपवादात्मक स्वरूपाचं. कृत्तिका आणि अश्‍विनी नक्षत्राच्या व्यक्तींनी आपल्या सीमारेषा सांभाळाव्यात. सीमाभंगातून गोळीबाराची लक्षणं! शनिवार हा बॅड डे राहील.
वृषभ:
हेव्या-दाव्यात पडू नका पौर्णिमेच्या प्रभावक्षेत्रात वक्री ग्रहांचा वरचष्मा राहून धुरळा उडण्याची शक्‍यता. पंचभौतिक उत्पात होऊ शकतात. रस्त्यावरील विजेच्या खांबापासून सावध. कृत्तिका नक्षत्राच्या व्यक्तींना पौर्णिमेचं प्रभावक्षेत्र घातक. वाहन सांभाळा. रोहिणी नक्षत्राच्या व्यक्तींना कौटुंबिक हेवे-दावे सतावतील. नवपरिणितांना सासुरवास.
मिथुन:
तरुणांनो, निराशा दूर सारा रवी-शनी प्रतियोगातून होणारी पौर्णिमा वक्री मंगळाच्या पार्श्‍वभूमीवर निश्‍चितच दखलपात्र. तरुण-तरुणींनो, नैराश्‍याचा आवेग सांभाळा. आर्द्रा नक्षत्राच्या व्यक्तींना हा सप्ताह एकूणच भावनिक संदर्भातून व्याकुळ करेल. मृग नक्षत्राच्या व्यक्तींना फसवणुकीचे प्रसंग अस्वस्थ करतील. पुनर्वसू नक्षत्राच्या व्यक्तींनी शनिवारी काळजी घ्यावी. सकाळी मनाविरुद्ध घटना घडण्याची शक्‍यता.
कर्क:
व्याधिग्रस्तांनी दक्षता घ्यावी सप्ताहातली ग्रहयुद्धात सापडणारी रास. अत्यावश्‍यक वस्तू जवळ बाळगाच. व्याधिग्रस्तांनी दक्षता घ्यावी. पुष्य नक्षत्राच्या व्यक्तींना ता. 27 व 28 हे दिवस नैसर्गिक गोष्टींतून साथ न देणारे. प्रवासात अडकाल. उपकरणं, वाहनं किंवा भरवशाच्या व्यक्ती दगा देतील. आश्‍लेषा नक्षत्राच्या व्यक्तींना शनिवार धावपळीचा वा दगदगीचा.
सिंह:
अवैध व्यवहार करू नका रवी-शनी प्रतियोगाच्या पार्श्‍वभूमीवरील ग्रहयोग आणि वक्री मंगळ हे मानवी विरोधाद्वारे ठिणग्या उडवणारे. तरुणवर्गाला अस्वस्थ करणारा काळ. मघा नक्षत्राच्या व्यक्तींसंदर्भात स्त्री-पुरुषसंबंधातून विखार पसरवणारं ग्रहमान. पूर्वा नक्षत्राच्या व्यक्तींना जुगारसदृश व्यवहार अडचणीत आणतील. सरकारी जाचाची शक्‍यता.
कन्या:
शेजाऱ्यांशी वितंडवाद टाळा चित्रा नक्षत्राच्या व्यक्तींना सप्ताहातली शुभ ग्रहांची लॉबी मोठं सहकार्य करेल. पौर्णिमेच्या आसपास काही चमत्कार घडतील. बाजीगर व्हाल! बाकी, हस्त नक्षत्राच्या व्यक्तींना पौर्णिमेच्या आसपासचा काळ शत्रुपीडेचा. शेजाऱ्यापाजाऱ्यांशी मोठे वाद होण्याची शक्‍यता. काळजी घ्या. उत्तरा नक्षत्राच्या व्यक्तींना शनिवार विचित्र वेदनेचा. वाहतूककोंडीत अडकाल.
तूळ:
अरेरावीनं वागू नका हा सप्ताह वक्री ग्रहांच्या पार्श्‍वभूमीवर दखलपात्र असा. पौर्णिमेच्या आसपासच्या काळात अरेरावी नको. समारंभात, गर्दीत, तीर्थक्षेत्री काळजी घ्या. स्वाती नक्षत्राच्या व्यक्तींसंदर्भात पौर्णिमेच्या आसपासचा काळ भावंडांच्या काळजीचा. विशाखा नक्षत्राच्या व्यक्तींनी शनिवारी चीजवस्तू सांभाळाव्यात. वाहनांची काळजी घ्यावी. पार्किंग करताना सावध.
वृश्चिक:
स्फोटक व्यक्तींपासून सावध! रवी-शनी कुयोगाच्या पार्श्‍वभूमीवर राश्‍याधिपती वक्री होत आहे. कोणताही अतिरेक किंवा अरेरावी टाळा. आजूबाजूच्या स्फोटक माणसांपासून सावध राहा. ज्येष्ठा नक्षत्राच्या व्यक्तींना राजकारणातून त्रास. सप्ताहात प्रत्येक सूर्योदयी दक्षता घ्याच. अनुराधा नक्षत्राच्या व्यक्तींचा प्रेमभंग. संशयपिशाच्च सतावेल.
धनु:
माणुसकीचा धागा जपा साडेसातीतलं एक महत्त्वाचं वळण. वेग आवरा. जीवनातल्या माणुसकीचा धागा जपा. व्यावसायिक शॉर्टकट टाळा. मूळ नक्षत्राच्या व्यक्तींना ता. 27 व 28 हे दिवस चमत्कारिक लोकांच्या सहवासात घालवावे लागतील. सावध राहा. बाकी, पूर्वाषाढा नक्षत्राच्या पुरुषाला एखादी स्त्री भुरळ पाडेल. प्रेमप्रकरणात सावध. उत्तराषाढा नक्षत्राच्या व्यक्तींना तीर्थाटनाचा योग.
मकर:
युद्धभूमीसारखा सप्ताह! "लाल बादशहा'चा सप्ताह! राशीचा "लाल बादशहा' सीमोल्लंघनाच्या तयारीत राहील. विरोधी शक्ती एकमेकांसमोर उभ्या ठाकतील. दि. 27 व 28 हे दिवस तुमच्या राशीला युद्धभूमीसारखे. अर्थातच पंचभौतिक साथ राहणार नाही. श्रवण नक्षत्राच्या व्यक्तींनी अपवादात्मक घडू पाहणाऱ्या गोष्टीचं भान ठेवावं. धनिष्ठा नक्षत्राच्या व्यक्तींनी शनिवारी चीजवस्तू जपाव्यात.
कुंभ:
माणसांमधला "राक्षस' ओळखा! रवी-शनी प्रतियोगाचं फील्ड वक्री मंगळाचा लालिमा वाढवणारं. शततारका नक्षत्राच्या व्यक्तींना "लाल बादशहा'चा दाह बाधू शकतो. माणसांमधला "राक्षस' ओळखून वागा. ता 27 व 28 हे दिवस विचित्र अनुभूतीचे. चमत्कारिक असं काहीतरी पाहावं आणि ऐकावं लागेल. शनिवार प्रवासात काळजीचा.
मीन:
नोकरदार महिलांनी काळजी घ्यावी सप्ताहातल्या ग्रहमानामुळं विचित्र स्वभावाची माणसं स्त्रीवर्गाच्या संपर्कात येतील. नोकरदार स्त्रियांनी जपलं पाहिजे. जग हे "बळी तो कान पिळी'चंच आहे. पौर्णिमेचं प्रभावक्षेत्र उत्तराभाद्रपदा नक्षत्राच्या व्यक्तींसाठी घरी वा दारी कटकटीचंच. रेवती नक्षत्राच्या व्यक्तींना सप्ताहात तीर्थाटनाचा योग. मात्र रोख पैसे सांभाळा.

ताज्या बातम्या