विठ्ठलाच्या भेटीला मुक्ताबाई निघाली पंढरीला

Sant Muktabai Palkhi
Sant Muktabai Palkhi esakal

जळगाव : दरवर्षीप्रमाणे यंदाही ग्रामदैवत श्रीराम मंदिर संस्थानची संत मुक्ताबाईची पालखी आज (ता.१४) पंढरपूरकडे प्रस्थान झाली. पुंडलिक वरदे हरी विठ्ठलच्या गजरात पालखीला जळगाव नगरीतून निरोप देण्यात आला.

Sant Muktabai Palkhi
Ashadhi Wari : रहीमच्या अंगणात रामाचा निवास; धार्मिक सौदार्हाचे प्रतीक

गेल्या दोन वर्षात कोरोनामुळे पालखी सोहळा होऊ शकला नव्हता. त्यामुळे यंदा याबाबत उत्सुकता होती. ठरल्याप्रमाणे वटसावित्री पौर्णिमेच्या मुहूर्तावर संत मुक्ताबाईची पालखी पंढरपूरकडे रवाना होते. त्यानुसार आज सकाळी नऊ वाजता संत अप्पा महाराज समाधी स्थळी पालखीचे विधीवत पूजन होऊन पालखी पुढच्या मार्गाला निघाली. तत्पूर्वी सोमवारी श्रीराम मंदिरात पालखीचे कुमारिकांच्या हस्ते पूजन होऊन ती अप्पा महाराज समाधी स्थळी मुक्कामी राहिली.

आज सकाळी मेहरुण तलाव परिसरातील शिवाजी उद्यानात मुक्ताबाईच्या पादुकांचे पूजन करण्यात आले. नंतर वारकरी, भक्तांनी अभंग म्हणत पालखीसोबत प्रयाण केले. श्रीराम मंदिर संस्थानचे गादीपती हभप मंगेश महाराज जोशी यांच्या प्रमुख उपस्थितीत पालखी पुढच्या प्रवासाला निघाली. वाटेत जैन इरिगेशनच्या वतीने पालखीचे स्वागत व पूजन करण्यात आले. जय हरी विठ्ठलचा गजर करीत पालखी पंढरीकडे रवाना झाली. आषाढी एकादशीनिमित्ताने निघालेली ही पालखी सुमारे साडेसातशे किलोमीटर प्रवास करत पंढरपूरला एकादशीच्या आदल्या दिवशी पोचेल.

Sant Muktabai Palkhi
आषाढी वारी : संत निवृत्तीनाथ महाराज पालखी सोहळा; पाहा Photos

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com