कोवीड रुग्णालयाबाहेर रूग्णांच्या नातवाईकांचा रस्तारोको; जेवणाचा डबा न देवू दिल्याचे कारण

जळगाव : जिल्हा कोविड रुग्णालयातील (Jalgaon medical collage) दाखल रुग्णांना दररोज रुग्णांचे नातेवाईक ठरावीक वेळेत भेटून डबा देतात. आज मात्र नातेवाईकांना जिल्हा कोविड रुग्णालयाने (Covid center) नातेवाईकांना डबा देण्यास मनाई केली. यामुळे रुग्णांच्या नातेवाईकांनी एकत्र येत रुग्णालयासमोरील रस्त्यावर रस्तारोको आंदोलन केले. (jalgaon medical collage roadblocks of patients' grandchildren outside covid hospital)

जिल्हा कोवीड रुग्णालय, सीसीसी सेंटर, डीसीएचसी, खासगी कोविड रुग्णालयात दाखल रुग्णांपर्यंत रुग्णांच्या नातेवाईकांना जावू देवू नका. नातेवाईक रुग्णांना भेटतात नंतर बाहेर येवून इतरांना भेटतात यामुळे संसर्ग अधिक फैलावतो. यामुळे रुग्णांना नातेवाईकांना भेटू देवू नका, त्यांनी आणलेला डबा रुग्णालयातील कर्मचाऱ्यानी रुग्णांना नेवून द्यावा. त्यांचे फोन किंवा व्हिडीओद्वार बोलण करून द्यावे, अशा सूचना कालच जिल्हाधिकारी अभिजीत राउत यांनी रुग्णालयांना केल्या आहेत. त्याची अंमलबजावणी जिल्हा कोविड रुग्णालयाने आजपासून सुरू केली. सकाळी बारा ते एक अशी रूग्णांना डबा देण्याची वेळ असते. यावेळी रुग्णांच्या नातेवाईकांनी डबा देण्यासाठी नेहमीप्रमाणे गर्दी केली. मात्र तयांना आत जावू देण्यास मनाई करण्यात आली.

पीपीई किट घालून जाण्याचीही तयारी

काहींना पीपीई कीट घालून जावू देण्यास सांगितले. पीपीई किटचा दरही अडीचशे वरून पाचशे रूपये करण्यात आला. तरीही नातेवाईकांनी पीपीई किट घेतले. मात्र रुग्णालयाने डबा घेवून जावू दिले नाही. यामुळे गोंधळ निर्माण झाला. रुग्णांनी एकत्र येवून रस्तोरोको आंदोलन केले. पोलिसांना पाचारण केल्याने गोंधळ कमी झाला होता.

जिल्हाधिकाऱ्यांच्या आदेशान्वये रुग्णांच्या नातेवाइकांना भेटता येणार नाही. त्यांनी डबा आणला असेल तर तो सेवालयात आमच्या कर्मचाऱ्यांना द्यावा. संबंधितांना डबा दिला जाईल. उद्यापासून रुग्ण व नातेवाइृकांशी संवाद साधण्यासाठी व्हिडीओ कॉल लावून देवू.

- डॉ. जयप्रकाश रामानंद, अधिष्ठाता, जिल्हा शासकीय रुग्णालय व महाविद्यालय